#CS2 Монголын The MongolZ баг ESL Pro League S20-ийн хоёр дахь тоглолтдоо Испанийн KOI багийг 2-0 (Inferno 13-1, Mirage 13-0) харьцаагаар илт илүүрхэв.

ESL (Electronic Sports League)-ээс зохиодог CS2 (Counter Strike 2)-ын хамгийн том лигийн тэмцээн "ESL Pro League"-ийн 20-р улирал Мальта улсын Сен-Жулиан хотод эхэлсэн.

Анх удаа Монголын хоёр баг оролцож буй тэмцээний гурав дахь өдөр Монголын "The MongolZ" баг Испанийн "KOI" багийг 2-0 (Inferno 13-1, Mirage 13-0) харьцаагаар хожлоо. Ийнхүү Mirage-д нэг ч үе алдахгүй хожсон нь ESL Pro League-ийн 20-р улирлын эхний цэвэр тоглолт байв.

Өчигдөр Францын "3DMAX" багт 2-0 (Anubis 13-9, Ancient 13-11) харьцаагаар хожигдож B хэсгийн дунд хүснэгт рүү унаад байсан тэд ийнхүү дунд хүснэгтийн хагас шигшээд шалгарав. Тэд "Team Spirit", "MIBR" багуудын хожигдсонтой маргааш тоглоно.

• The MongolZ Францын "3DMAX" багт хоёр дахь удаа 2-0 харьцаагаар хожигдлоо
• Монголын "ATOX Esports" баг Оросын багт хожигдож RMR-ын эрхээс мултарлаа
• Shanghai Major 2024 тэмцээний сонгон шалгаруулалт 25-д эхэлнэ

Харин тэдэнд хожигдсон Дэвид "dav1g" Гранадо ахлагчтай Испанийн баг доод хүснэгт рүү унаж "9z Team", "Wildcard" багуудын хожигдсонтой тоглохоор болов.

ESL Pro League-т анх удаа оролцож буй Монголын хоёр дахь баг "ATOX Esports" есдүгээр сарын 11-д эхний тоглолтоо Францын "Team Vitality" багтай хийнэ.