#CS2 Монголын The MongolZ баг ESL Pro League S20-ийн эхний тоглолтдоо Францын 3DMAX багт 2-0 харьцаагаар хожигдлоо.

ESL (Electronic Sports League)-ээс зохиодог CS2 (Counter Strike 2)-ын хамгийн том лигийн тэмцээн "ESL Pro League"-ийн 20-р улирал Мальта улсын Сен-Жулиан хотод эхэлсэн.

Анх удаа Монголын хоёр баг оролцож буй тэмцээний хоёр дахь өдөр Монголын "The MongolZ" баг эхний тоглолтоо хийлээ. Тэмцээний "B" хэсэгт багтсан тэд Францын "3DMAX" багт 2-0 (Anubis 13-9, Ancient 13-11) харьцаагаар хожигдов.

Хоёр баг өмнө нь "Skyesports Championship 2024" тэмцээний финалд таарахад Францын баг 2-0 (Ancient 13-5, Anubis 13-4) харьцаагаар хожсон. Энэ удаа мөн ижил map-д ижил дүнгээр Францууд илүүрхэв.

• Монголын "ATOX Esports" баг Оросын багт хожигдож RMR-ын эрхээс мултарлаа
• Shanghai Major 2024 тэмцээний сонгон шалгаруулалт 25-д эхэлнэ
• ЕСДҮГЭЭР САРЫН СПОРТ: Паралимп, TI13

Ийнхүү The MongolZ дунд хүснэгт руу унасан бөгөөд маргааш 19:30 цагаас Испанийн "KOI" багтай тоглохоор боллоо. Харин Францын баг B хэсгийн хагас шигшээд "G2 Esports"-той тоглоно.

ESL Pro League-т анх удаа оролцож буй Монголын хоёр дахь баг "ATOX Esports" есдүгээр сарын 11-д эхний тоглолтоо Францын "Team Vitality" багтай хийнэ.