#CS2 Shanghai Major-ын Asia RMR-т оролцох эрхийг Оросын "GR Gaming" Монголын "ATOX Esports"-ыг 2-1 харьцаагаар хожиж авлаа.

Shanghai Major-ын Asia RMR-т оролцох эрхийн төлөөх Зүүн Азийн урьдчилсан шатны тэмцээнд Оросын "GR Gaming" баг түрүүлж Монголын "ATOX Esports", "Chinggis Warriors" багууд хожигдлоо.

Тодруулбал, Valve-аас CS2-ын дэлхийн аварга шалгаруулах тэмцээн гэгддэг major тэмцээнийг жилд нэгээс хоёр удаа зохиодог. 2024 оны хоёр дахь major анх удаа Ази тивд, тэр дундаа Хятад Улсын Шанхай хотод болно.

Дэлхийн шилдэг 24 баг чуулах уг тэмцээнд Ази-Номхон далайн бүсээс гурван баг оролцоно. Ази-Номхон далайн бүсийн гурван төлөөллийг тодруулах "Asia-Pacific RMR" тэмцээн 11-р сарын 11-14-ний хооронд мөн Хятадын Шанхай хотноо болно.

Нийт найман баг тоглох RMR тэмцээнд Монголын "The MongolZ", монгол дасгалжуулагчтай Австралийн "FlyQuest", Хятадын "Lynn Vision Gaming" багууд бүсийн чансаагаар шууд урилгаар оролцоно. Харин үлдсэн таван эрхийг Номхон далай, Хятад, Зүүн Ази, Зүүн Өмнөд Ази, Ойрх Дорнод гэсэн таван бүсээс тус бүр нэг багт өгнө. Монгол улсын хувьд Зүүн Азийн урьдчилсан шатны бүсэд багтаж байна.

• Shanghai Major 2024 тэмцээний сонгон шалгаруулалт 25-д эхэлнэ
• ЕСДҮГЭЭР САРЫН СПОРТ: Паралимп, TI13
• The Mongolz Бразилын "paiN Gaming"-д дахин нэг удаа хожигдож тэмцээнээ дуусгалаа

Зүүн Азийн урьдчилсан шатанд мөн нийт найман баг онлайнаар тоглосон бөгөөд Монголын "Chinggis Warriors", "ATOX Esports", "IHC Esports", "Nomads" багууд оролцов.

Нээлттэй сонгон шалгаруулалтаас эрхээ авсан "Nomads" баг Оросын "-72C" багт хожигдож тэмцээнээ дуусгасан бол "IHC Esports" нутаг нэгт ATOX Esports-д хожигдсон юм. ATOX Esports гранд финалд Оросын GR Gaming багт 2-1 харьцаагаар хожигдохоос өмнө нутаг нэгт "Chinggis Warriors"-ыг доод хүснэгтийн финалд тэмцээнээс хассан билээ.

ATOX Esports багийн хувьд үргэлжлүүлэн есдүгээр сарын 3-нд Мальта улсад эхлэх "ESL Pro League Season 20"-т оролцох бол IHC Esports баг "ESL Challenger League Season 48: Asia" тэмцээнд оролцож байна.