#CS2 850,000 ам.долларын шагналын сантай "Thunderpick World Championship 2024" тэмцээн өнөөдөр Германы Берлин хотод эхэлнэ.

"GAM3RS_X" болон "GRID"-ээс зохиож буй 850 мянган ам.долларын шагналын сантай "Thunderpick World Championship 2024" тэмцээн өнөөдөр эхэлнэ.

Арваннэгдүгээр сарын 3-ны дуустал үргэлжлэх тэмцээнд 16 баг оролцох дунд Монголын "The MongolZ" уригдсан.

Хэдхэн хоногийн өмнө Финландын Эспоо хотод болсон "Elisa Masters Espoo 2024" тэмцээнд 3-4-р байр эзэлж (Хагас шигшээд талбайн эзэн баг ENCE-д 1-2 харьцаагаар хожигдсон) 15,000 ам.долларын шагнал авсан монгол залуус дахин нэг том тэмцээнд хүчээ сориход бэлэн болжээ.

• The Huns баг ESL Challenger League-ээс хасагдлаа
• ATOX Хятадын Lynn Vision Gaming багийг хожин финалд шалгарлаа
• The MongolZ Elisa Masters-ын хагас шигшээд түүртэлгүй шалгарлаа

Багууд дөрвөн хэсэгт хуваагдаж нэг удаа хожигдох эрхтэй буюу "double-elimination format" системээр тоглох бөгөөд хэсэг тус бүрээс хоёр баг playoffs-т шалгарна. Хагас шигшээ хүртэлх тоглолтууд онлайнаар болох ба шилдэг дөрвөн баг Германы Берлин хотын "LVL Dome Arena" цэнгэлдэхэд тоглоно.

The MongolZ-ын хувьд "B" хэсэгт Аргентины "9z Team", Оросын "Cloud9", Британийн "Fnatic" багуудтай учраа таарсан.

Тэдний эхний тоглолт маргааш 17:30 цагаас Кирил "Boombl4" Михайлов ахлагчтай "Cloud9" багийн эсрэг байх юм.

Тэмцээний А хэсгийн тоглолтууд өнөөдөр эхэлж playoffs-т тоглох эхний баг тодорно.