"Катар 2022" ДАШТ-ий C хэсэгт таарсан Аргентин болон Польшийн шигшээ багууд хэсгийн сүүлийн тоглолтоо хийж 2-0 харьцаагаар Аргентин хожлоо.

Заавал хожих даалгавартай Аргентинчууд тоглолтын эхнээс хурдтай, эрчтэй тоглож, олон төрлийн довтолгоог туршиж байв. Жигүүрээс дамжуулах, Месси хамгаалагчдыг давуулж зүүн жигүүрийг суллах, Ди Мариагийн гоцлон тоглолт, булангийн цохилт гээд Аргентины олон довтолгоо бүтэлгүйтсэн ч Польшийн хаалгач Месси дээр алдаа гаргаж, шүүгч торгуулийн цохилт заасан.

Гэвч Саудын Арабын эсрэг торгуулийн цохилтоос гоол оруулсан Месси энэ удаа Польшийн хаалганд алдлаа. Хаалгач Войцех Щесни зүүн тал руу нь хүчтэй ирсэн цохилтыг хааж багтаа тус хүргэсэн. Тэрээр Саудын Арабын эсрэг торгуулийн цохилт хаагаад байсан бөгөөд өөрийгөө дахин нэг удаа батлав.

Харин хоёрдугаар үе эхлээд удаагүй Алексис МакАллистер хаалгачийн баруун доод буланд цохин гоолдсоноор Аргентинчуудын нүүрэнд инээмсэглэл тодорлоо.

Удалгүй 67 дахь минутад Энцо Фернандезийн дамжуулалтаар Жулиан Альварез гоол оруулснаар Аргентин хэсгээс нэгдүгээр байраар шалгарлаа.

Тэд шигшээ 16-д D хэсгийн хоёрдугаар байр Австралитай тоглоно.

Гарааны бүрэлдэхүүн:

C хэсгийн өмнөх тоглолтуудын үр дүн:

• Аргентин 1-2 Саудын Араб
• Мексик 0-0 Польш
• Польш 2-0 Саудын Араб
• Аргентин 2-0 Мексик

Voo аппликейшн татах

• Android
• iOS