УИХ-ын чуулганы хуралдаан үргэлжилж байна. Хуралдаанаар Засгийн газраас энэ оны тавдугаар сарын 16-ны өдөр өргөн мэдүүлсэн Стандартчилал, техникийн зохицуулалт, тохирлын үнэлгээний итгэмжлэлийн тухай хууль /Шинэчилсэн найруулга/-ийн төсөл болон хамт өргөн мэдүүлсэн хуулийн төслүүд хэлэлцэх эсэхийг хэлэлцэж байна.

Шадар сайд С.Амарсайхан “Эрүүл мэндийн байгууллагад 680 стандарт батлагдсан. Гэтэл өнөөдөр 407 г нь шинэчлэх шаардлагатай, эдгээр нь хэрэгждэггүй. Барилгын салбарт 642 стандарт байгаагаас, 400 гаруй нь мөн хэрэгжихгүй байгаагаас болж амьдралаа барьцаалаад авсан барилгадаа орж ч амжаагүй байхад шатдаг, нурдаг асуудал бий” гэв.