“GoGo-ийн асуултууд”-ын энэ удаагийн зочин, "Харанга" хамтлагийн гишүүн,  хөгжмийн зохиолч, УГЗ Цэрэндоржийн Чулуунбат.

Тэрбээр “Хөгжмөөр хөглөгдсөн 50 жил” тоглолтоо хийхээр догдлон бэлдэж буй. Бид түүнийг студид байхад нь зорьж очиж, “GoGo-ийн асуултууд”-ад хариулт авсан юм.

Ц.Чулуунбат 18 насандаа эргээд очсон бол аав, ээжийгээ илүү сайн энэрч, хайрлах байсан хэмээн санаашрав. Мөн тэр үед англи хэл сурах минь яав даа гэж одоог хүртэл харамсдаг тухайгаа ярив.

Тэрбээр цэрэгт татагдсаны анхны өглөө “Бүгд босоод” хэмээх команд сонсоод “Чимээгүй бай л даа. Жаахан унтмаар байна” гэж хэлээд өшиглүүлэн босож байснаа дурсаж, эрчүүд цэргийн алба хааснаар их юм сурдгийг онцлон ярилаа. 

Өөрийгөө бүтээлч, хэлсэндээ хүрдэг, цаг баримталдаг хэмээн тодорхойлсон Ц.Чулуунбат “Эр хүн цэгц шулуун, хэлсэндээ эзэн байх л сайхан. Хэзээд өөрийнхөөрөө зан чанараа алдаж болохгүй. Эмэгтэйчүүд бол энэрэл, хайрын дээд хүмүүс. Орчин үед нэг зангаараа байдаг хүмүүс ховордож байна. Би нэг зангаараа, өөрийнхөөрөө хүмүүст дуртай” хэмээв.

Аав, ээждээ ачлалтай сайн хүү байж чадаагүйдээ харамсаж явдаг хэмээн өгүүлэх тэрбээр бусдын сэтгэлийг дулаацуулах сайхан дуу зохиох хүсэл цээжинд нь үргэлж оргилж явдаг тухай хуваалцсан юм.

БИЧЛЭГ:

/Бичлэгийг тоглуулж болохгүй бол ЭНД дарж үзнэ үү/