• Mobile Legends-ын 2023 оны дэлхийн аварга шалгаруулах тэмцээн боллоо
• Тэмцээнд Филиппиний "AP.Bren" баг түрүүлэв
• Тэд хэсгийн шатанд Монголын "Team Lilgun" багийг хожсон билээ

Mobile Legends-ын 2023 оны дэлхийн аварга шалгаруулах тэмцээн буюу "M5 World Championship" Филиппиний нийслэл Манила хотод боллоо.

900 мянган ам.долларын шагналын сантай тэмцээнд талбайн эзэн "AP.Bren" баг түрүүлж 300 мянган ам.долларын шагналыг авав.

Тэд финалд, нэг ч хожигдоогүй байсан Индонезын "ONIC Esports" багийг 4-3 харьцаагаар хожиж аваргалсан бөгөөд дээд хүснэгтийн финалд 3-0 харьцаагаар хожигдоод байсан хариугаа авсан юм.

• "Team Lilgun" дэлхийн аваргын хэсгийн эхний тоглолтдоо хожлоо
• Дэлхийн аваргын хэсгийн шатанд тоглох Монголын анхны баг "Team Lilgun" боллоо
• Монголын "Team Lilgun" гурав дараалан хожлоо

"M5 World Championship" тэмцээнд Монголын "Team Lilgun" баг анх удаа оролцсон бөгөөд "С" хэсгийн дөрөвдүгээр байраар тэмцээнээ өндөрлүүлсэн. Тэд Индонезын "Team Flash" багийг 2-1 харьцаагаар хожиж Мьянмарын "Burmese Ghouls", Филиппиний "AP.Bren" багуудад 2-0 харьцаагаар хожигдсон билээ.

Дэд байрыг эзэлсэн "ONIC Esports" 120 мянган ам.долларын шагнал авсан бол Монголын баг 15 мянган ам.доллар авсан.