• MLBB-ын дэлхийн аварга шалгаруулах тэмцээний үндсэн шат эхэллээ
• Монголын "Team Lilgun" баг "M5 World Championship"-д анх удаа оролцож байна
• Тэд хэсгийн шатны эхний тоглолтдоо хожлоо

Mobile Legends: Bang Bang-ын дэлхийн аварга шалгаруулах тэмцээн буюу "M5 World Championship"-ын үндсэн тэмцээн хэсгийн шатны тоглолтууд Филиппиний Манила хотод эхэллээ.

Дэлхийн хамгийн шилдэг 16 баг өрсөлдөж буй хэсгийн шатны "С" хэсэгт Монголын "Team Lilgun" баг багтсан бөгөөд эхний тоглолоо Сингапурын "Team Flash" багтай хийж 2-1 харьцаагаар хожлоо.

Эхний game-д хожигдсон ч хоёр дараалан хожсон монгол баг хэсгийн хоёр дахь тоглолтдоо маргааш Мьянмарын "Burmese Ghouls" багтай хийнэ.

• 12 САРЫН СПОРТ: Монгол багууд MLBB, PUBG Mobile-ын дэлхийн финалд тоглоно
• Дэлхийн аваргын хэсгийн шатанд тоглох Монголын анхны баг "Team Lilgun" боллоо
• Монголын "Team Lilgun" гурав дараалан хожлоо

Сингапурын баг хэсгийн эхний тоглолтоо өчигдөр Мьянмарын "Burmese Ghouls" багтай хийж 1-2 харьцаагаар хожсон бол Мьянмарын баг эхний тоглолтдоо Филиппиний "AP.Bren" багт 2-0 харьцаагаар хожигджээ.

М.Энхбат "Aizn", Т.Багабанди "Zxaura", М.Амармөрөн "Forbid", Ч.Эрдэнэмөнх "Bebex", Б.Батболд "Ethan" нарын бүрэлдэхүүнтэй Team Lilgun Wildcard-ын хэсгийн шатанд Оросын "Umbrella Squad", Аргентины "Imperio", Хятадын "KeepBest Gaming" багуудыг тус бүр 2-1 харьцаагаар хожсон. Улмаар үндсэн тэмцээнд тоглох эрхийн төлөө Лаосын "Niightmare Esports" багийг 3-0 харьцаагаар ялсан юм.