• MLBB-ын дэлхийн аварга шалгаруулах тэмцээн үргэлжилж байна
• Монголын "Team Lilgun" баг "M5 World Championship"-д оролцож байна
• Тэд тэмцээний Group Stage-д тоглох Монголын анхны баг боллоо

Mobile Legends: Bang Bang-ын дэлхийн аварга шалгаруулах тэмцээн буюу "M5 World Championship"-ын "Wildcard" шатны тоглолтууд Малайзын Селангор хотод боллоо.

Найман шилдэг баг "Group Stage" шатны хоёр эрхийн төлөө тоглож буй Wildcard шатны "В" хэсгийг Монголын "Team Lilgun" баг тэргүүлж өнөөдөр "Group Stage"-д тоглох эрхийн төлөө Лаосын "Niightmare Esports" багтай тоглолоо.

Монгол улсын төлөөлөл Wildcard шатны "А" хэсгийн 2-р байр Niightmare Esports багийг 3-0 харьцаагаар илүүрхснээр дэлхийн хамгийн шилдэг 16 багийн нэг болж Филиппиний Манила хотыг зорихоор боллоо.

• Монголын "Team Lilgun" гурав дараалан хожлоо
• "Team Lilgun" хоёр дахь тоглолтдоо хожсоноор хэсгээ тэргүүлж эхэллээ
• "Team Lilgun" дэлхийн аваргын эхний тоглолтдоо хожлоо

М.Энхбат "Aizn", Т.Багабанди "Zxaura", М.Амармөрөн "Forbid", Ч.Эрдэнэмөнх "Bebex", Б.Батболд "Ethan" нарын бүрэлдэхүүнтэй Team Lilgun Wildcard-ын хэсгийн шатанд Оросын "Umbrella Squad", Аргентины "Imperio", Хятадын "KeepBest Gaming" багуудыг тус бүр 2-1 харьцаагаар хожсон.

Mobile Legends-ийн дэлхийн аваргын Group Stage буюу үндсэн тэмцээний хэсгийн шат 12-р сарын 2-д Филиппиний Манила хотод эхэлнэ. Team Lilgun бол тус шатанд тоглох анхны Монгол баг юм.