• MLBB-ын дэлхийн аварга шалгаруулах тэмцээн үргэлжилж байна
• Монголын "Team Lilgun" баг "M5 World Championship"-д оролцож байна
• Тэд хэсгийн хоёр дахь тоглолтдоо

Mobile Legends: Bang Bang-ын дэлхийн аварга шалгаруулах тэмцээн буюу "M5 World Championship"-ын "Wildcard" шатны тоглолтууд Малайзын Селангор хотод үргэлжилж байна.

Найман шилдэг баг "Group Stage" шатны хоёр эрхийн төлөө тоглож буй Wildcard шатны "В" хэсэгт Монголын "Team Lilgun" баг багтсан. Өчигдөр эхний тоглолтдоо Оросын "Umbrella Squad" багийг 2-1 харьцаагаар хожсон тэд өнөөдөр хэсгийг тэргүүлэгч Аргентины "Imperio" багийг 2-1 харьцаагаар буулган авлаа.

Эхний game-ыг илүүрхэж эхлүүлсэн ч Lord-ын тулаанд маш том алдаа гаргасны улмаас хожигдсон Team Lilgun дараагийн хоёр game-д өрсөлдөгчдөө ямар ч боломж олгосонгүй.

• "Team Lilgun" дэлхийн аваргын эхний тоглолтдоо хожлоо
• ESN National Championship: MLBB тоглоомын аварга TEAM LILGUN Малайзыг зорилоо
• 11 САРЫН СПОРТ: PUBG Mobile, Mobile Legends-ийн дэлхийн дэвжээнд Монгол багууд

В хэсэгт багтсан Аргентины "Imperio" баг өчигдөр Хятадын "KeepBest Gaming" багийг 2-0 харьцаагаар хожиж эхний оноогоо аваад байв. Ингэснээр В хэсгийг Team Lilgun хоёр хожилтой тэргүүлж эхэллээ.

Хэсэг тус бүрээс хамгийн өндөр оноо авсан хоёр баг "Group Stage"-ын эрхийн төлөөх нэг тоглолтыг хийнэ.

М.Энхбат "Aizn", Т.Багабанди "Zxaura", М.Амармөрөн "Forbid", Ч.Эрдэнэмөнх "Bebex", Б.Батболд "Ethan" нарын бүрэлдэхүүнтэй Team Lilgun маргааш буюу 11-р сарын 25-иы 20:00 цагаас KeepBest Gaming багтай тоглоно.