ESN | eSports Network-оос зохион байгуулдаг National Championship буюу Үндэсний Аварга шалгаруулах тэмцээн нь 2023 оны турш нийт 8 төрлөөр амжилттай зохион байгуулагдаж байна. Тус тэмцээний MOBILE LEGENDS: BANG BANG төрөлд Монгол Улсын аварга багаар TEAM LILGUN тодорсон мөч саяхан. Ийнхүү аваргалсан багийн залуус маань мөнгөн шагнал болон diamond-оо гардан авахаас гадна Малайз улсад болох M5 Wild Card-ын тоглолтод улсаа төлөөлөн оролцох эрхээ авч чадсан. Тус багийн хувьд Улаанбаатараас Куала Лумпур хүрэх бүх зардлыг нь ESN | eSports Network бүрэн хариуцаж байна.

ESN National Championship: MLBB тэмцээнийг эргэн санацгаая

Монгол улсаас анх удаа Mobile Legends: Bang Bang тоглоомын Дэлхийн Аваргын урьдчилсан шат буюу M5 Wild Card эрхийн төлөөх тэмцээнийг ESN | eSports Network-ийн зүгээс хамгийн өндөр буюу нийт 36 сая төгрөгийн шагналын сантайгаар 2 сарын турш амжилттай зохион байгуулсан. Тус тэмцээнд нийт 1101 баг бүртгүүлснээс шаардлага хангах 586 баг тэмцээнд оролцож, авьяас чадвар, багийн ажиллагаагаараа тэргүүлсэн шилдэг 8 баг тунаж үлдсэн билээ. Тус тэмцээний шууд дамжуулалт нь ESN-ийн Youtube суваг болон Premier Sports Network 5 сувгуудаар явагдсан тул үзэж амжаагүй та бүхэн Youtube сувгаас нөхөж үзэх боломжтой.