• Mobile Legends дэлхийн аварга шалгаруулах тэмцээн эхэллээ
• Монголын "Team Lilgun" баг "M5 World Championship"-д оролцож байна
• Тэд эхний тоглолтдоо хожлоо

Mobile Legends: Bang Bang э-спортын дэлхийн аварга шалгаруулах тэмцээн буюу "M5 World Championship"-ын Wildcard шатны тоглолтууд өнөөдөр Малайзын Селангор хотод эхэллээ.

Найман шилдэг баг "Group Stage" шатны хоёр эрхийн төлөө тоглож буй Wildcard шатны "В" хэсэгт Монголын "Team Lilgun" баг багтсан бөгөөд эхний тоглолтдоо Оросын "Umbrella Squad" багийг 2-1 харьцаагаар хожлоо.

Эхний game-д таамаглаагүй байдлаар хожигдсон тэд дараагийн хоёр game-д илүүрхэж ялалтаа баталгаажуулсан.

• ESN National Championship: MLBB тоглоомын аварга TEAM LILGUN Малайзыг зорилоо
• 11 САРЫН СПОРТ: PUBG Mobile, Mobile Legends-ийн дэлхийн дэвжээнд Монгол багууд

В хэсэгт багтсан Аргентины "Imperio" баг өнөөдөр Хятадын "KeepBest Gaming" багийг 2-0 харьцаагаар хожиж эхний оноогоо аваад байв. Ингэснээр В хэсгийг Imperio багийн хамт 2 оноотой тэргүүлж байна.

Хэсэг тус бүрээс хамгийн өндөр оноо авсан хоёр баг "Group Stage"-ын эрхийн төлөөх нэг тоглолтыг хийх эрхээ авна.

М.Энхбат "Aizn", Т.Багабанди "Zxaura", М.Амармөрөн "Forbid", Ч.Эрдэнэмөнх "Bebex", Б.Батболд "Ethan" нарын бүрэлдэхүүнтэй Team Lilgun маргааш буюу 11-р сарын 24-ий 14:00 цагаас Imperio багтай тоглоно.

Тоглолтын эхэнд Team Lilgun багийн тоглогч "Bebex" болон дасгалжуулагч "Mitch" нар монгол үндэсний малгайгаа өмссөн нь үзэгчид болоод тайлбарлагчдын анхаарлыг татсан.