• CS2 мажорын Asia-Pacific RMR-ын эрхийн төлөөх Зүүн Азийн сонгон шалгаруулалт болж байна
• Зүүн Азийн сонгон шалгаруулалтаас хоёр баг урьдчилсан шатны эрх авна
• Урьдчилсан шатны эрх авсан эхний баг Монголын "TheMongolz" боллоо

CS2-ын дэлхийн аварга шалгаруулах тэмцээн гэж болохуйц "PGL Major Copenhagen 2024" гуравдугаар сарын 17-31-ний хооронд Данийн нийслэлд болно. Тус тэмцээнд Ази тивийг төлөөлөн оролцох хоёр багийг тодруулах Asia-Pacific RMR-ын эхний эрхийг Монголын "TheMongolz" баг авлаа.

Тодруулбал, 1,250,000 ам.долларын шагналын сантай мажор тэмцээнд дэлхийн шилдэг 24 баг оролцох учиртай. Шилдэг 24-ийн хоёр нь Ази тивийн баг байх юм. Ази тивийг төлөөлөх хоёр багийг тодруулах урьдчилсан шатны тэмцээн буюу "PGL Major Copenhagen 2024: Asia-Pacific RMR" хоёрдугаар сарын 26-28-ны хооронд Хятадын Шанхай хотод болно.

• CS2 мажорын Зүүн Азийн сонгон шалгаруулалтад оролцох 8 баг тодорлоо
• Францын "Team Vitality" баг Blast-ын 2023 оны дэлхийн аварга боллоо
• TheMongolz Оросын "Virtus.pro"-д хожигдсоноор Атлантагийн тэмцээнээ дуусгалаа

Энэхүү урьдчилсан шатанд Номхон далайн 1, Хятадын 2, Зүүн Азийн 2, Ойрх Дорнодын 2 болон Зүүн Өмнөд Азийн 1 буюу нийт 8 баг өрсөлдөнө. Монгол Улсын хувьд Япон, Хонконг, Солонгос, Оросын Зүүн хязгаарын хамт Зүүн Азийн бүсэд харьяалагдсан.

Тэгвэл Зүүн Азийн бүсээс Asia-Pacific RMR-т оролцох хоёр багийг тодруулах хаалттай сонгон шалгаруулалт үргэлжилж байгаа бөгөөд эхний эрхийг Монголын "TheMongolz" баг авлаа. Тэд дээд хүснэгтийн финалд нутаг нэгт "Atox Esports" багийг 2-0 (Inferno 16-14, Overpass 13-9) харьцаагаар хожиж эрхээ авсан юм.

Харин урьдчилсан шатны хоёр эрхийн төлөө Монголын "Atox Esports" болон "The Huns Esports", "Eruption" багууд өрсөлдөж байна.