• "ESL Challenger at DreamHack Atlanta 2023" тэмцээн эхэллээ
• Монголын "The MongolZ" баг тэмцээнийг хагас шигшээ шатнаас өндөрлүүллээ

100 мянган ам.долларын шагналын сантай CS2-ын "ESL Challenger at DreamHack Atlanta 2023" тэмцээн АНУ-ын Атланта хотын "Georgia World Congress Center"-т үргэлжилж байна.

Тэмцээний хагас шигшээ шатанд, Ази тивийг төлөөлөн оролцож буй Монголын "The MongolZ" баг Оросын "Virtus.pro" багтай тоглож 2-0 (Overpass 13-11, Inferno 13-8) харьцаагаар хожигдлоо. Тэд олон улсын чанартай LAN тэмцээний хагас шигшээ шатанд тоглосон анхны монгол баг болсон юм.

Дэлхийн чансааны 10-т бичигддэг Virtus.pro баг тэмцээний B хэсгийг тэргүүлж хагас шигшээд шалгарсан бөгөөд финалд "Apeks", "Monte" багуудын хожсонтой тоглохоор болов.

• "TheMongolz" дэлхийн чансааг тэргүүлэгчдийг хожиж хэсгээсээ гарлаа
• The MongolZ баг "DreamHack Atlanta" тэмцээний эхний тоглолтоо өнөө шөнө хийнэ
• TheMongolz Ази-Номхон далайн "ESL Challenger" лигт аваргаллаа

Монгол залуус дэлхийн чансааны 4-т бичигдэж буй, талбайн эзэн "Complexity Gaming" багийг өчигдөр 2-0 (Inferno 13-3, Overpass 13-8) харьцаагаар хожсоноор "А" хэсгийн хоёрдугаар байраар хагас шигшээд шалгарсан. The MongolZ-ын багтсан "А" хэсгийг дэлхийн чансааны 19-т жагсдаг "Apeks" баг тэргүүлсэн.

Blitz-ээр ахлуулсан залуус тэмцээний нээлтийн тоглолтоо Complexity Gaming-ын эсрэг хийж "Ancient" дээр 16-14 харьцаагаар хожсон бөгөөд хэсгийн аваргын төлөө Apeks-тэй тоглож "Anubis"-т 13-6 харьцаагаар ялагдсан юм.

Тэмцээнд түрүүлсэн баг нь 50 мянган ам.доллар болоод "ESL Pro League S19"-т оролцох эрх авна. The MongolZ "ESL Challenger League"-т түрүүлснээр 19 дэх удаагийн ESL Pro League-ын эрхийг аль хэдийн авчихсан. Энэ тэмцээн тэдний хувьд дэлхийн чансаагаа ахиулах томоохон боломж байсан бөгөөд 4-р байрын шагнал 10 мянган ам.доллар авсан. Тэмцээний өмнөх байдлаар TheMongolz ESL дэлхийн чансааны 53-т жагсаж байв.