• "BLAST Premier: World Final 2023" тэмцээн өндөрлөлөө
• Францын "Team Vitality" баг дэлхийн аварга болов

BLAST-аас зохион байгуулдаг CS2-ын мэргэжлийн лигийн оны хамгийн том тэмцээн "BLAST Premier: World Final 2023" АНЭУ-ын нийслэл Абу Даби хотод боллоо.

"BLAST Premier" лигийн хавар, намрын аваргууд, ESL Pro League-ын 17, 18-р улирлын түрүү багууд, мажорын аварга гээд дэлхийд ноёлж буй найман багийн өрсөлдөөнөөс Францын "Team Vitality" баг тэргүүлж, дэлхийн аварга боллоо.

Дан "apEX" Мадесклейрээр удирдуулсан, "BLAST.tv Major"-ын аварга Team Vitality гранд финалд "FaZe Clan"-ыг 2-0 (Inferno 13-5, Nuke 13-7) харьцаагаар хожсон байна.

• TheMongolz Оросын "Virtus.pro"-д хожигдсоноор Атлантагийн тэмцээнээ дуусгалаа
• "TheMongolz" дэлхийн чансааг тэргүүлэгчдийг хожиж хэсгээсээ гарлаа
• The MongolZ баг "DreamHack Atlanta" тэмцээний эхний тоглолтоо өнөө шөнө хийнэ

1 сая ам.долларын шагналын сантай тэмцээний аваргууд шагналын сангийн талыг буюу 500 мянган ам.доллар авсан бол дэд байр 250 мянган ам.долларыг хүртэв. Багийн гол тоглогчдын нэг Эмил "Magisk" Рэйф болон дасгалжуулагчаа сольсон Францын баг хүчтэй хэвээр байгаагаа дахин нэг удаа баталсан бол "ESL Pro League S17"-д түрүүлж дэлхийн финалын эрхээ авсан "FaZe Clan" мөн Рассел "Twistzz" Ван Дулкенгүйгээр хэр хол явахаа нотлов.

Тэдний араас дэлхийн чансааг өнгөлөгч "MOUZ" болон Олександр "s1mple" Костильевгүй "Natus Vincere" багууд хагас шигшээд тунаж үлдсэн.