Өнгөрч буй долоо хоногт болсон үйл явдлуудыг тоймлон хүргэж байна.

ЕРӨНХИЙЛӨГЧ ЭЭЖҮҮДЭД АЛДАРТ ЭХИЙН ОДОН ГАРДУУЛЛАА

Ерөнхийлөгч Ухнаагийн Хүрэлсүх Олон улсын хүүхдийн эрхийг хамгаалах өдрийг тохиолдуулан Олон хүүхэд төрүүлж өсгөсөн эхийг урамшуулах тухай хууль болон Монгол Улсын Үндсэн хуульд заасан бүрэн эрхийнхээ хүрээнд зарлиг гаргаж, эхчүүдэд Алдарт эхийн одон гардууллаа.

Энэ жил улсын хэмжээнд 10,785 ээж Алдарт эхийн одон хүртэж байгаагийн олонх нь 36 орчим насныхан байна.

• Нийслэлийн 9 дүүргийн 4,696 ээж, үүнээс I зэргийн одонг 297, II зэргийн одонг 4,399,
• 21 аймгийн 5,979 ээж, үүнээс I зэргийн одонг 471, II зэргийн одонг 5,508,
• Гадаадын улс орнуудад оршин суугаа 110 ээж, үүнээс I зэргийн одонг 5, II зэргийн одонг 105 ээж хүртэж байна.

835 МЯНГАН АМ.ДОЛЛАРЫГ 17 СУРАЛЦАГЧИЙН ХУВИЙН ДАНС РУУ ШИЛЖҮҮЛЖЭЭ

БЗС-гаас гадаадын их, дээд сургуульд зээлээр суралцаж байгаа оюутны сургалтын төлбөрийг тухайн хүний хувийн дансанд шилжүүлсэн зөрчлийг арилгах талаар АТГ-аас мэдэгдэл хүргүүлсэн бөгөөд өнөөдрийг хүртэл тодорхой үр дүнтэй арга хэмжээг аваагүй байна.

Гадаадад зээлээр сурч байгаа болон суралцсан нэр бүхий 17 хүний сургалтын төлбөр болох 835 мянга 173 ам.долларыг тэдгээр иргэдийн хувийн дансанд шилжүүлсэн зөрчлийг арилгах чиглэлээр арга хэмжээ авч нэг ч хүний төлбөрийг барагдуулаагүй байна.

Авлигатай тэмцэх газраас Боловсролын зээлийн сангийн Ажлын албаны дарга Д.Гарди нь 2022 оны дөрвөөс зургадугаар сарын хооронд  нийт 1 сая 544 мянган төгрөгийн урамшуулал болон нэмэгдлийг өөртөө олгох шийдвэр гаргажээ. Түүнчлэн Д.Гарди нь ОХУ-д 2014-2016 онд зээлээр суралцсан ба БШУС-ын сайд 2022 оны гуравдугаар сарын 14-ний өдрийн тушаалаар 32 мянган ам.долларын зээлийг чөлөөлж, тус тушаалыг үндэслэж Д.Гарди “Барьцаа хөрөнгө чөлөөлүүлэх тухай” өөрийн гарын үсэг бүхий албан бичгийг Баянзүрх дүүргийн бүртгэлийн хэлтэст хүргүүлж, барьцаа хөрөнгийг чөлөөлүүлж байжээ.

Энэ үйлдэл нь Нийтийн албанд нийтийн болон хувийн ашиг сонирхлыг зохицуулах ашиг сонирхлын зөрчлөөс урьдчилан сэргийлэх тухай хуульд заасан журмуудыг зөрчсөн гэж АТГ-аас үзсэн байна. Иймд Д.Гардид хэрэг нээн шалгаж, эхэлжээ.

ТӨВ ТАЛБАЙД ЭРХ БАРИГЧДЫГ ЭСЭРГҮҮЦСЭН ЖАГСААЛ БОЛОВ

Нүүрсний хулгайн хэрэг, боловсролын зээлийн сангийн асуудлаас үүдэн иргэд шударга ёсыг шаардан Д.Сүхбаатарын талбайд жагслаа.

Иргэд "Боловсролын зээлийн сангаас хулгай хийнэ гэдэг Монгол Улсын иргэдийн боловсролыг хулгайлж буй хэрэг. Энэ зээл өсөж дэвших боломжтой хүүхдүүдийн тэтгэлэг. Гэтэл насаараа дарга хийсэн боломжтой хүмүүс албан тушаалаа урвуулан ашиглаж хүүхдүүд, ах дүү, хамаатан саднаа хүртэл гадагшаа сургасан байна. Тэгсэн мөртлөө огт зээлээ төлөөгүй" хэмээн бухимдлаа илэрхийлсэн юм.

ТАВАН САНГ ИЛ БОЛГОЛОО

Шил ажиллагааны хүрээнд дараах сангуудын мэдээллийг https://shilen.gov.mn/ сайтад ил тод байршууллаа. Үүнд:

1. БОАЖЯ: Байгаль орчин, уур амьсгалын сан
2. БШУЯ: Шинжлэх ухаан, технологийн сан
3. ХЗДХЯ: Гэмт хэргийн хохирогчид нөхөн төлбөр олгох сан
4. Соёлын яам: Кино урлагийг дэмжих сан
5. ГХЯ: Хилийн чанадад байгаа Монгол Улсын иргэдэд туслах сан

ИНЕГ-ЫН ЗАРДЛААР СУРАЛЦСАН ИРГЭДИЙН МЭДЭЭЛЛИЙГ ИЛ БОЛГОЛОО

ИНЕГ-ын зардлаар 2005-2022 онд гадаадад нийт 367 суралцагч суралцаж, үүнд нийт 11 сая 376 мянган доллар буюу 28 тэрбум төгрөг зарцуулсан байна. Үүнд:

• Салбарын мэргэжлээр 332
• Нийтлэг мэргэжлээр суралцсан 35
• Сургалтын гэрээ нь цуцлагдсан 11
• Хувийн зардлаар үргэлжлүүлэн суралцаж байгаа 16
• Одоо суралцаж байгаа 14
• Салбартаа ажиллаж байгаа 262
• Ажлын байр хүлээж, хүний нөөцөд бүртгэлтэй байгаа 63 хүн байгаа юм.

Гэрээгээр суралцаад төгсөөгүй 11 хүний мэдээллийг ил болгож, тэднээр буцааж төлүүлнэ гэж салбарын сайд хэлэв.

МИАТ 9 АЙМАГ РУУ 50-70 ХӨНГӨЛӨЛТТЭЙ НИСНЭ

2023 оны 7-р сарын 1-нээс МИАТ ТӨХК есөн аймагт 50-70 хувь хямдралтай үнээр нисэхээр боллоо.

Жишээ нь, Баян-Өлгий аймаг руу хоёр талдаа нисэхэд 1,650,000 төгрөг байгаа бол МИАТ 800 мянгаас бага үнээр нисэх боломж нээгдэж байна. Баян-Өлгийгөөс гадна Ховд, Увс, Говь-Алтай, Баянхонгор, Завхан, Хөвсгөл, Өмнөговь, Дорнод зэрэг нийт 9 аймаг руу агаарын тээврийн зорчих хөдөлгөөний урсгалыг нэмэгдүүлэхээр болж байна. Дээд тал нь долоо хоногт долоон удаа, доод тал нь нэг удаа нисэх боломжтой болно гэж салбарын сайд мэдээлэв.

Онцлох нийтлэл:

• Н.Зоригт: Бид БНХАУ-аас гутлын нэг улавчийг нэг доллароор авдаг. Жилд 4 сая улавч хэрэгтэй

• ТОЙМ: Э.Макроны түүхэн айлчлалын үр дүн

• ГУТАЛ #20: Шударгаар зээл авч, зүтгэж сурсан ядуу айлын хүүхдүүд яах вэ?

• ИНЕГ-ын зардлаар гадаадад суралцсан ч ажилгүй болон САЛБАРТАА АЖИЛЛАДАГГҮЙ иргэд

• ИНЕГ-ын зардлаар суралцсан ч гэрээний үүргээ биелүүлээгүй 11 ХҮН

• ЖАГСААЛТ: Боловсролын сангаас зээл аваад ГЭРЭЭНИЙ ҮҮРГЭЭ БИЕЛҮҮЛЭЭГҮЙ иргэдийн мэдээлэл