#Шатар 45 дахь удаагийн шатрын олимпиадын Дөрөвдүгээр өрөгт эмэгтэй шигшээ баг Испанийг хожиж, эрэгтэй баг Германд хожигдлоо.

FIDE (The International Chess Federation)-аас зохиодог 45 дахь удаагийн шатрын олимпиад Унгарын нийслэл Будапешт хотод үргэлжилж байна.

Энэ сарын 23-ыг дуустал үргэлжлэх тэмцээний Дөрөвдүгээр өрөгт Монголын эмэгтэй шигшээ баг Испанийг хожиж, эрэгтэй баг Германд хожигдлоо.

• Эрэгтэйчүүд дахин тэнцэж, эмэгтэй баг гурав дахь өрсөлдөгчөө яллаа
• Эмэгтэй баг Монаког хожиж, эрэгтэй баг Чехтэй тэнцлээ
• Монголын шатрын эрэгтэй, эмэгтэй шигшээ баг эхний өрөгтөө нэг ч хожигдсонгүй

Тодруулбал, эмэгтэй баг Дөрөвдүгээр өрөгт Испанийн шигшээ багтай тоглож 2.5-1.5 харьцаагаар хожлоо. 2-р ширээнд тоглосон Б.Мөнгөнтуул болон 5-р ширээнд суусанд Б.Мөнгөнзул нар бүтэн оноогоо авчээ.

• 1-р ширээ. WGM Төрмөнхийн Мөнхзул /Хар/ 0.5-0.5 /Цагаан/ IM Сарасадат Хадемалшариэ
• 2-р ширээ. IM Батхуягийн Мөнгөнтуул /Цагаан/ 1-0 /Хар/ IM Марта Гарсиа Мартин
• 3-р ширээ. WGM Даваадэмбэрэлийн Номин-Эрдэнэ /Хар/ 0-1 /Цагаан/ IM Сабрина Вега Гутериз
• 5-р ширээ. WCM Бат-Эрдэнийн Мөнгөнзул /Цагаан/ 1-0 /Хар/ IM Анн Матнадзе Бужиашвили

Гватемалыг 4-0, Монаког 3-1, Перуг 2.5-1.5 харьцаагаар хожсон эмэгтэйчүүд ийнхүү Испанийн 2.5-1.5 харьцаагаар хожсоноор нийт 12 оноотой болж 7-р байр руу дэвшлээ. Тэд Тавдугаар өрөгт АНУ-ын шигшээ багтай тоглоно.

Харин эрэгтэй баг Дөрөвдүгээр өрөгт Германы шигшээ багтай тоглож 0.5-3.5 харьцаагаар хожигдлоо. Шигшээ багаас 4-р ширээнд тоглосон М.Амилал тал оноогоо авсан байна.

Мавританийг 4-0 харьцаагаар хожиж, Чехтэй 2-2, Израилтай 2-2 харьцаагаар тэнцсэн эрэгтэй баг ийнхүү Германд 0.5-3.5 харьцаагаар хожигдсоноор нийт 8.5 оноотой болж 72-р байр руу уналаа. Тэд Тавдугаар өрөгт Суданы шигшээ багтай тоглоно.

Эрэгтэй багийн бүрэлдэхүүн:

• 1-р ширээ. Олон улсын хэмжээний мастер (IM) Ганзоригийн Амартүвшин. 19 настай
• 2-р ширээ.  FIDE мастер (FM) Сумъяагийн Чингүүн. 19 настай
• 3-р ширээ. FIDE мастер (FM) Эрдэнийн Баасансүрэн. 21 настай
• 4-р ширээ. Олон улсын хэмжээний мастер (IM) Мөнхдалайн Амилал. 18 настай
• 5-р ширээ. FIDE мастер (FM) Хуягцогтын Итгэлт. 20 настай

Эмэгтэй багийн бүрэлдэхүүн:

• 1-р ширээ. Эмэгтэй Их мастер (WGM) Төрмөнхийн Мөнхзул. 22 настай
• 2-р ширээ. Олон улсын хэмжээний мастер (IM) Батхуягийн Мөнгөнтуул. 37 настай
• 3-р ширээ. Эмэгтэй Их мастер (WGM) Даваадэмбэрэлийн Номин-Эрдэнэ. 24 настай
• 4-р ширээ. Эмэгтэй FIDE мастер (WFM) Эрдэнэбаярын Хүслэн. 16 настай
• 5-р ширээ. Эмэгтэй Дэд мастер (WCM) Бат-Эрдэнийн Мөнгөнзул. 19 настай