#Шатар 45 дахь удаагийн шатрын олимпиадын Гуравдугаар өрөгт эрэгтэй баг Израилтай 2:2 тэнцэж, эмэгтэй баг Перуг 2.5-1.5 харьцаагаар буулгаж авлаа.

FIDE (The International Chess Federation)-аас зохиодог 45 дахь удаагийн шатрын олимпиад Унгарын нийслэл Будапешт хотод үргэлжилж байна.

Энэ сарын 23-ыг дуустал үргэлжлэх тэмцээний Гуравдугаар өрөгт Монголын эрэгтэй шигшээ баг Израилтай тэнцэж, эмэгтэй шигшээ баг Перуг хожлоо.

• Эмэгтэй баг Монаког хожиж, эрэгтэй баг Чехтэй тэнцлээ
• Монголын шатрын эрэгтэй, эмэгтэй шигшээ баг эхний өрөгтөө нэг ч хожигдсонгүй
• Шатрын 45-р олимпиадад оролцох Монголын шигшээ багийн бүрэлдэхүүн

Тодруулбал, эрэгтэй баг Гуравдугаар өрөгт Израилын шигшээ багтай тоглож 2-2 харьцаагаар тэнцэв. Шигшээ багаас 3-р ширээнд тоглосон Э.Баасансүрэн өрсөлдөгчөө ялж багтаа бүтэн оноог авсан байна.

• 1-р ширээ. IM Ганзоригийн Амартүвшин /Цагаан/ 0.5-0.5 /Хар/ GM Родштейн Максим
• 2-р ширээ. FM Сумъяагийн Чингүүн /Хар/ 0-1 /Цагаан/ GM Набати Тамир
• 3-р ширээ. FM Эрдэнийн Баасансүрэн /Цагаан/ 1-0 /Хар/ GM Смирин Илиа
• 5-р ширээ. FM Хуягцогтын Итгэлт /Хар/ 0.5-0.5 /Цагаан/ GM Постни Евгены

Мавританийг 4-0 харьцаагаар хожиж, Чехтэй 2-2 харьцаагаар тэнцсэн эрэгтэй баг ийнхүү Израилтай 2-2 харьцаагаар тэнцсэнээр нийт 8 оноотой болж 52-р байр руу уналаа. Тэд Дөрөвдүгээр өрөгт Германы шигшээ багтай тоглоно.

Харин эмэгтэй баг Гуравдугаар өрөгт Перугийн шигшээ багтай тоглож 2.5-1.5 харьцаагаар хожлоо. 1-р ширээнд тоглосон Т.Мөнхзул болон 5-р ширээнд суусанд Б.Мөнгөнзул нар бүтэн оноогоо авчээ.

• 1-р ширээ. WGM Төрмөнхийн Мөнхзул /Цагаан/ 1-0 /Хар/ IM Кори Т.Дэйси
• 3-р ширээ. IM Батхуягийн Мөнгөнтуул /Хар/ 0.5-0.5 /Цагаан/ WIM Алиага Фернандез Ингрид И
• 4-р ширээ. WFM Эрдэнэбаярын Хүслэн /Цагаан/ 0-1 /Хар/ WIM Контрерас Хуаман Фиореяа
• 5-р ширээ. WCM Бат-Эрдэнийн Мөнгөнзул /Хар/ 1-0 /Цагаан/ WIM Хиларио Алейла

Гватемалыг 4-0, Монаког 3-1 харьцаагаар хожсон эмэгтэй шигшээ баг ийнхүү Перуг 2.5-1.5 харьцаагаар хожсоноор нийт 9.5 оноотой болж 15-р байр руу дэвшлээ. Тэд Дөрөвдүгээр өрөгт Испанийн шигшээ багтай тоглоно.

Эрэгтэй багийн бүрэлдэхүүн:

• 1-р ширээ. Олон улсын хэмжээний мастер (IM) Ганзоригийн Амартүвшин. 19 настай
• 2-р ширээ.  FIDE мастер (FM) Сумъяагийн Чингүүн. 19 настай
• 3-р ширээ. FIDE мастер (FM) Эрдэнийн Баасансүрэн. 21 настай
• 4-р ширээ. Олон улсын хэмжээний мастер (IM) Мөнхдалайн Амилал. 18 настай
• 5-р ширээ. FIDE мастер (FM) Хуягцогтын Итгэлт. 20 настай

Эмэгтэй багийн бүрэлдэхүүн:

• 1-р ширээ. Эмэгтэй Их мастер (WGM) Төрмөнхийн Мөнхзул. 22 настай
• 2-р ширээ. Олон улсын хэмжээний мастер (IM) Батхуягийн Мөнгөнтуул. 37 настай
• 3-р ширээ. Эмэгтэй Их мастер (WGM) Даваадэмбэрэлийн Номин-Эрдэнэ. 24 настай
• 4-р ширээ. Эмэгтэй FIDE мастер (WFM) Эрдэнэбаярын Хүслэн. 16 настай
• 5-р ширээ. Эмэгтэй Дэд мастер (WCM) Бат-Эрдэнийн Мөнгөнзул. 19 настай