#Шатар 45 дахь удаагийн шатрын олимпиадын Хоёрдугаар өрөгт эрэгтэй баг Чехтэй 2:2 тэнцэж, эмэгтэй баг Монаког 3-1 харьцаагаар хожлоо.

FIDE (The International Chess Federation)-аас зохиодог 45 дахь удаагийн шатрын олимпиад Унгарын нийслэл Будапешт хотод үргэлжилж байна.

Энэ сарын 23-ыг дуустал үргэлжлэх тэмцээний Хоёрдугаар өрөгт Монголын эрэгтэй шигшээ баг Чехтэй тэнцэж, эмэгтэй шигшээ баг Монаког хожлоо.

• Монголын шатрын эрэгтэй, эмэгтэй шигшээ баг эхний өрөгтөө нэг ч хожигдсонгүй
• Шатрын 45-р олимпиадад оролцох Монголын шигшээ багийн бүрэлдэхүүн

Тодруулбал, Эрэгтэй баг Хоёрдугаар өрөгт Чехийн шигшээ багтай тоглож 2-2 харьцаагаар тэнцэв. Шигшээ багаас 2-р ширээнд тоглосон Сумъяагийн Чингүүн хоёр өрөг тоглолт дараалан хожлоо. Эрэгтэй баг Гуравдугаар өрөгт Израилын шигшээ багтай тоглоно.

• 1-р ширээ. IM Ганзоригийн Амартүвшин /Хар/ 0-1 /Цагаан/ GM Нгуен Тай Дай Ван
• 2-р ширээ. FM Сумъяагийн Чингүүн /Цагаан/ 1-0 /Хар/ GM Зилка Степан
• 3-р ширээ. FM Эрдэнийн Баасансүрэн /Хар/ 0.5-0.5 /Цагаан/ GM Кречи Яан
• 4-р ширээ. IM Мөнхдалайн Амилал /Цагаан/ 0.5-0.5 /Хар/ IM Викуок Яан

Харин эмэгтэй баг Хоёрдугаар өрөгт Монакогийн шигшээ багтай тоглож 3-1 харьцаагаар хожлоо. 1-р ширээнд тоглосон Төрмөнхийн Мөнхзулаас бусад нь өрсөлдөгчөө ялсан байна. Тэд Гуравдугаар өрөгт Перу улсын багтай тоглоно.

• 1-р ширээ. WGM Төрмөнхийн Мөнхзул /Хар/ 0-1 /Цагаан/ WGM Татиана Дорнбуш
• 3-р ширээ. WGM Даваадэмбэрэлийн Номин-Эрдэнэ /Цагаан/ 1-0 /Хар/ WIM Мариа Зверева
• 4-р ширээ. WFM Эрдэнэбаярын Хүслэн /Хар/ 1-0 /Цагаан/ WCM Фиорина Березовски
• 5-р ширээ. WCM Бат-Эрдэнийн Мөнгөнзул /Цагаан/ 1-0 /Хар/ WCM Светлана Березовска

Одоогоор 6 оноотой 40-р байрт бичигдэж буй эрэгтэй багийн бүрэлдэхүүн:

• 1-р ширээ. Олон улсын хэмжээний мастер (IM) Ганзоригийн Амартүвшин. 19 настай
• 2-р ширээ.  FIDE мастер (FM) Сумъяагийн Чингүүн. 19 настай
• 3-р ширээ. FIDE мастер (FM) Эрдэнийн Баасансүрэн. 21 настай
• 4-р ширээ. Олон улсын хэмжээний мастер (IM) Мөнхдалайн Амилал. 18 настай
• 5-р ширээ. FIDE мастер (FM) Хуягцогтын Итгэлт. 20 настай

Одоогоор 7 оноотой 20-р байрт бичигдэж буй эмэгтэй багийн бүрэлдэхүүн:

• 1-р ширээ. Эмэгтэй Их мастер (WGM) Төрмөнхийн Мөнхзул. 22 настай
• 2-р ширээ. Олон улсын хэмжээний мастер (IM) Батхуягийн Мөнгөнтуул. 37 настай
• 3-р ширээ. Эмэгтэй Их мастер (WGM) Даваадэмбэрэлийн Номин-Эрдэнэ. 24 настай
• 4-р ширээ. Эмэгтэй FIDE мастер (WFM) Эрдэнэбаярын Хүслэн. 16 настай
• 5-р ширээ. Эмэгтэй Дэд мастер (WCM) Бат-Эрдэнийн Мөнгөнзул. 19 настай