#CS2 The MongolZ "IEM Cologne 2024" тэмцээний хүрээнд Португалын SAW-д хоёр дахь удаа хожигдож доод хүснэгт рүү уналаа.

ESL-ээс зохиодог "Intel Extreme Masters" цувралын нэг оны дөрөв дэх тэмцээн 1 сая ам.долларын шагналын сантай "IEM Cologne 2024" Германы Кёлн хотод үргэлжилж байна.

Дэлхийн шилдэг 24 баг цугласан тэмцээнд Монголын "The MongolZ" баг Азийн чансааг тэргүүлэгчийн урилгаар оролцож байна.

Тэд өнөөдөр хэсгийн шатны хоёр дахь тоглолтоо Португалын "SAW" багтай хийж 2-1 (Ancient 16-13, Nuke 7-13, Anubis 13-10) харьцаагаар хожигдлоо.

• The MongolZ хүнд тоглолтын эцэст Туркийн "Eternal Fire"-ыг хожиж хэсгийн шатанд шалгарлаа
• The MongolZ Австралийн #1 FlyQuest-ыг дахин нэг удаа илүүрхлээ
• Португалын "SAW" таамаг эвдэж нээлтийн тоглолтод The MongolZ-ыг хожлоо

Ийнхүү тэд А хэсгийн доод хүснэгтийн хагас шигшээ шат руу унасан бөгөөд өнөөдөр 00:45 цагаас Бразилын "paiN Gaming" багтай тоглож тэмцээнд үлдэх эсэхээ шийднэ.

paiN Gaming баг өнгөрсөн шөнө Өмнөд Америкийн "9z Team" багийг 2-1 харьцаагаар хожиж тэмцээнээс хассан юм.

The MongolZ-ын тоглолтуудын үр дүн:

• Play-In шат. Дээд хүснэгтийн нээлтийн тоглолт. The MongolZ 1-2 (Anubis 13-16, Ancient 13-5, Dust II 5-13) SAW
• Play-In шат. Доод хүснэгтийн эхний тоглолт. The MongolZ 2-0 (Anubis 13-8, Ancient 13-4) FlyQuest
• Play-In шат. Доод хүснэгтийн хоёр дахь тоглолт.The MongolZ 2-1 (Anubis 4-13, Mirage 13-8, Nuke 16-14) Eternal Fire
• Хэсгийн шат. А хэсгийн дээд хүснэгтийн шөвгийн найм. The MongolZ 2-0 (Ancient 16-13, Anubis 13-4) Team Spirit
• Хэсгийн шат. А хэсгийн дээд хүснэгтийн хагас шигшээ. The MongolZ 1-2 (Ancient 16-13, Nuke 7-13, Anubis 13-10) SAW

Харин SAW баг Playoffs-т тоглох эрхээ авсан ба маргааш хэсгийн хэддүгээр байраар Playoffs-т тоглохоо "Natus Vincere" багтай тоглож шийднэ.

The MongolZ энэ тэмцээний нээлтийн тоглолтод SAW-той учраа таарахад Португалын баг 1-2 (Anubis 13-16, Ancient 13-5, Dust II 5-13) харьцаагаар хожиж байв.