#CS2 Азиудын хүрч чадаагүй оргилд гарсан монгол залуус шөвгийн наймд дэлхийн чансааны 6-д жагсаж буй "MOUZ" багт хожигдсоноор тэмцээнээ дуусгалаа. Тэд 45 мянган ам.долларын шагнал авсан.

1,250,000 ам.долларын шагналын сантай "Perfect World Shanghai Major 2024" тэмцээний шигшээ шат буюу Playoffs stage өнөөдөр эхэлсэн.

Тус шатанд шалгарсан анхны Ази баг, Монголын "The MongolZ" шөвгийн наймд Европ тивийн төлөөлөл, дэлхийн чансааны 6-д жагсаж буй "MOUZ" багтай тоглож 2-0 (Ancient 14-16, Nuke 9-13) харьцаагаар хожигдлоо.

Азиудын хүрч чадаагүй оргилд гарсан монгол залуус Хятадын Шанхай хотын "Shanghai Oriental Sports Center"-т 18 мянган үзэгчийн дэмжлэг дор тэмцээнээ өндөрлүүллээ. Энэ олон үзэгчийн өмнө тоглож үзээгүй монгол залуус сандралтай байсан нь гарцаагүй, харин ESL Pro League-ийн аварга MOUZ-ын хувьд том тайзны туршлагатай баг нь байв.

• The MongolZ мажорын playoffs-т шалгарсан анхны Ази баг боллоо
• The Mongolz дэлхийн чансааг тэргүүлэгчдийг илүүрхлээ
• The MongolZ маргааш дэлхийн чансааг тэргүүлэгч G2 Esports-той тоглоно

Хоёр баг энэ тэмцээний "Elimination Stage" шатанд таарахад The MongolZ Mirage-д 16-12 харьцаагаар нэмэлт үед хожсон. Харин түүнээс өмнө "IEM Cologne 2023" тэмцээний Play-in шатанд таарахад MOUZ Nuke-д 19-22 харьцаагаар мөн нэмэлт үед хожиж байв.

The MongolZ ийнхүү 45 мянган ам.долларын шагналтайгаар нутаг буцав. Харин MOUZ нэг өдөр өнжөөд хагас шигшээ шатанд тоглоно.

Эх сурвалж: HLTV, Liquipedia