#CS2 The MongolZ Шанхай мажорын хоёрдугаар шатны эхний тоглолтоо маргааш 11:00 цагаас дэлхийн чансааг тэргүүлэгчийн эсрэг хийнэ.

1,250,000 ам.долларын шагналын сантай "Perfect World Shanghai Major 2024" тэмцээний хоёрдугаар шат буюу "Elimination Stage" маргааш эхэлнэ.

Ази-Номхон далайн төлөөллөөс тус шатанд шалгарсан ганц баг, Монголын "The MongolZ" дэлхийн чансааг тэргүүлэгч "G2 Esports"-той 11:00 цагаас тоглоно.

G2 Esports Европын урьдчилсан шатнаас шууд Elimination Stage-д тоглох эрхээ авсан бол The MongolZ нэгдүгээр буюу Opening Stage шатанд гурав хожиж шалгарсан юм.

• The MongolZ түүртэлгүй гурав хожиж Шанхай мажорын Elimination Stage-д шалгарлаа
• Шанхай мажорын эхний өдөр монголчууд давамгайллаа
• The MongolZ мажорын эхний шатанд Хятадын багтай тоглоно

Хоёр баг энэ оны долоодугаар сард "Esports World Cup 2024" тэмцээний хүрээнд учраа таарахад Януш "Snax" Погорцелски ахлагчтай Европын баг 2-0 (Inferno 16-13, Ancient 13-11) харьцаагаар хожиж байв.

Elimination Stage-д Европын урьдчилсан шатнаас шууд эрхээ авсан найман баг болон Opening Stage-ээс эрхээ авсан найм нийт 16 баг оролцоно. Тэднээс хамгийн түрүүнд гурав хожсон найман баг playoffs-т шалгарах бол гурав хожигдсон найман баг тэмцээнийг орхино.

Дараагийн шатанд шалгарах болон хэн хасагдахыг шийдэх тоглолтууд Bo3 журмаар болох ба бусад тоглолтууд Bo1 журмаар болно.