#CS2 The MongolZ Шанхай мажорын гурав дахь тоглолтдоо HEROIC багийг хожсоноор Playoffs-т шалгарсан анхны Ази баг болж түүх бүтээлээ.

1,250,000 ам.долларын шагналын сантай "Perfect World Shanghai Major 2024" тэмцээний хоёрдугаар шат буюу "Elimination Stage" үргэлжилж байна.

Тус шатанд шалгарсан Ази-Номхон далайн бүсийн цор ганц төлөөлөл Монголын "The MongolZ" гурав дахь тоглотдоо Данийн "HEROIC" багийг 2-1 (Mirage 8-13, Anubis 19-17, Ancient 13-) харьцаагаар хожлоо.

Өчигдөр дэлхийн чансааг тэргүүлэгч "G2 Esports", "MOUZ" багуудыг буулгаж авсан тэд ийнхүү 3-0 амжилттай болж playoffs-т шалгарав. Өмнө нь Ази-Номхон далайн төлөөлөл мажорын playoffs-т шалгарсан удаагүй билээ.

• The Mongolz дэлхийн чансааг тэргүүлэгчдийг илүүрхлээ
• The MongolZ маргааш дэлхийн чансааг тэргүүлэгч G2 Esports-той тоглоно
• The MongolZ түүртэлгүй гурав хожиж Шанхай мажорын Elimination Stage-д шалгарлаа

Хоёр баг энэ оны "Thunderpick World Championship 2024" тэмцээний финалд таарч тоглоход The MongolZ 3-1 (Dust II 13-8, Ancient 6-13, Anubis 13-11, Mirage 13-2) харьцаагаар хожиж байсан ба энэ удаа дахин илүүрхлээ.

The MongolZ мажорт ирснээс хойш анхны map-даа хожигдсон нь HEROIC-ын эсрэг байв. Тэдэнтэй хамт мажорын аварга "Team Vitality" мөн 3-0 амжилттай бусдыгаа хошуучилж playoffs-т шалгараад байна.

Шанхай мажорын Elimination Stage-ын тоглолтууд маргааш үргэлжлэх бөгөөд тэдний хамт ямар зургаан баг playoffs-т тоглох нь гурван өдрийн дотор тодорхой болно. Playoffs-ын тоглолтууд энэ сарын 12-д эхэлнэ.