• Сагсан бөмбөгийн эмэгтэйчүүдийн Азийн аварга шалгаруулах 2-р зиндааны тэмцээн болж байна
• Тус тэмцээнд Монголын шигшээ баг анх удаа оролцлоо
• Монголын баг тэмцээний гурав дахь өдөр Малайзад хожигдож хэсэгтээ 4-р байр эзлэв

Сагсан бөмбөгийн эмэгтэйчүүдийн Азийн аварга шалгаруулах 2-р зиндааны тэмцээн буюу "FIBA Women’s Asia Cup Division B" гурав дахь өдрөө үргэлжилж байна.

Азийн аварга шалгаруулах тэмцээнд анх удаа оролцож буй Монголын шигшээ баг өнөөдөр Малайзын шигшээ багтай тоглож 85-68 харьцаагаар хожигдлоо.

Шигшээ багаас Б.Ариунцэцэг 14 оноо, 10 самбар, 3 оновчтой дамжуулалттайгаар багаа тэргүүлсэн бол Н.Нандинхүсэл 9 оноо, 7 дамжуулалт, М.Булбул 9 оноо, О.Хулан 7 оноо, 10 самбар авсан юм.

Харин Малайзын шигшээ багаас дөрвөн тоглогч 10-аас дээш оноо авч нийт оновчтой дамжуулалтын тоо болоод будагтай талбайгаас авсан оноогоор илүүрхэв.

• Эмэгтэй сагсчид Иранд 33-70 харьцаагаар хожигдлоо
• Эмэгтэй шигшээ баг Азийн аваргын анхны тоглолтоо Индонезтой хийлээ
• М.Амаржаргал: Шигшээ багийн бүрэлдэхүүнийг сонгохдоо нурууны өндөрт анхаарсан

Шигшээ баг эхний өдөр Индонезод 65-59, хоёр дахь өдөр Иранд 70-33 харьцаагаар хожигдоод байсан бөгөөд А хэсгийн 4-р байрыг эзэллээ.

Ийнхүү Монголын шигшээ баг тэмцээний долоодугаар байрын төлөөх тоглолтыг Б хэсгийн дөрөвдүгээр байр Шри Ланка улсын багтай энэ сарын 17-д хийхээр болов.

Тэмцээний оноолт:

• А хэсэг: Индонез, Иран, Малайз, Монгол
• В хэсэг: Казахстан, Йордан, Тайланд, Шри Ланка

ТОГЛОЛТЫН ХУВААРЬ:

2023.08.13

• 12:00. Индонез 69-52 Монгол
• 14:30. Иран 65-59 Малайз
• 17:00. Казахстан 66-34 Шри Ланка
• 19:30. Йордан 74-71 Тайланд

2023.08.14

• 12:00. Малайз 55-60 Индонез
• 14:30. Монгол 33-70 Иран
• 17:00. Шри Ланка 41-82 Йордан
• 19:30. Тайланд 72-51 Казахстан

2023.08.15

• 12:00. Индонез 65-56 Иран
• 14:30. Малайз 85-68 Монгол
• 17:00. Казахстан 65-74 Йордан
• 19:30. Тайланд - Шри Ланка

2023.08.17

• 14:30. Монгол - Шри Ланка
• 17:00. Иран - Казахстан
• 19:30. Тайланд - Малайз

2023.08.18

• 14:30. Иран/Казахстан хожигдсон - Тайланд/Малайз хожигдсон
• 17:00. Индонез - Тайланд/Малайз хожсон
• 19:30. Йордан - Иран/Казахстан хожсон

2023.08.19

• 17:00. Хүрэл медаль
• 19:30. Финал