• Сагсан бөмбөгийн эмэгтэйчүүдийн Азийн аварга шалгаруулах 2-р зиндааны тэмцээн болно
• Тэмцээнд Монголын эмэгтэй шигшээ баг анх удаа оролцоно
• Тэмцээн Тайландын Бангкок хотод энэ сарын 13-19-ний хооронд болно

Сагсан бөмбөгийн эмэгтэйчүүдийн Азийн аварга шалгаруулах 2-р зиндааны тэмцээн буюу "FIBA Women’s Asia Cup Division B" энэ сарын 13-аас 19-ний хооронд болно. Тайландын Бангкок хотод болох тэмцээнд Монголын эмэгтэй шигшээ баг анх удаа оролцох юм.

Азийн найман баг "Division A"-д шалгарах ганц эрхийн төлөө тоглох бөгөөд "Division A" буюу нэгдүгээр зиндаанд тоглож байсан багуудаас Казахстан, Тайланд, Малайзын шигшээ багууд Бангкокт ирнэ.

Тэмцээний оноолт:

• А хэсэг: Индонез, Иран, Малайз, Монгол
• В хэсэг: Казахстан, Йордан, Тайланд, Шри Ланка

Харин тус тэмцээнд анх удаа оролцож буй Монголын шигшээ багаас гадна дэвшиж үзээгүй Шри Ланка, Йордан, Иран, Индонезын шигшээ багууд оролцоно.

• НАЙМДУГААР САРЫН СПОРТ: 3х3, жүдогийн мастерууд, электрон спортын ДАШТ
• Эмэгтэй дээд лигийн аваргаар Улаанбаатар Амазонс тодорлоо
• ФОТО: Өсвөрийн охид Самоаг нэг онооны зөрүүгээр хожиж финалд шалгарлаа

Монголын шигшээ багийн хувьд дутуу үнэлэх баг биш гэдгийг FIBA онцолсон. Монголын сагсан бөмбөгийн хөгжил сүүлийн жилүүдэд ахицтай байгаагийн илрэл нь энэ тэмцээн. Үүнээс өмнө эрэгтэй шигшээ баг анх удаа Азийн аварга шалгаруулах тэмцээний урьдчилсан шатанд шалгарсан, 18 хүртэлх насны өсвөрийн эмэгтэй шигшээ баг 20 жилийн дараа Азийн аварга шалгаруулах тэмцээнд оролцсон юм.

Өсвөрийн Азийн аваргад оролцсон бүрэлдэхүүнээс Нямжавын Нандинхүсэл, Батцоожийн Болор-Эрдэнэ нар үндсэн шигшээ багт багтсан. Мөн 3х3 сагсан бөмбөгийн шигшээ багийн Бат-Эрдэнийн Ариунцэцэг, Онолбаатарын Хулан, Мөнхсайханы Цэрэнлхам тэргүүтэй тоглогчид үндсэн шигшээ багт тоглоно.

ШИГШЭЭ БАГИЙН БҮРЭЛДЭХҮҮН:

1. Баатарын Болор-Эрдэнэ
2. Бат-Эрдэнийн Ариунцэцэг
3. Батхуягийн Цасчимэг
4. Баярмаагийн Цацрал
5. Муратын Булбул
6. Нямжавын Нандинхүсэл
7. Түвшинжаргалын Үлэмж
8. Ундармаагийн Содцэцэг
9. Мөнхсайханы Цэрэнлхам
10. Батцоожийн Болор-Эрдэнэ
11. Онолбаатарын Хулан
12. Эрдэнэбаянгийн Нарангоо

Шигшээ багийн бүрэлдэхүүний сонголтын талаар Ерөнхий дасгалжуулагч М.Амаржаргал "Нийт 18 тамирчнаас 12-ыг сонгоход дасгалжуулагчдын багт амаргүй байсан. Ур чадвар, тоглолтын арга барилын хувьд жигд нэг түвшний хүүхдүүд байсан тул нэлээн сайн тунгаасны эцэст шийдвэрээ гаргасан. Сагсан бөмбөгт мэдээж нурууны өндөр хамгийн чухал. Дасгалжуулагчийн баг нурууны өндрийг их анхаарсан. Мөн нэлээн залуу тамирчдаар багаа бүрдүүлсэн" гэв.

ТОГЛОЛТЫН ХУВААРЬ:

2023.08.13

• 12:00. Индонез - Монгол
• 14:30. Иран - Малайз
• 17:00. Казахстан - Шри Ланка
• 19:30. Йордан - Тайланд

2023.08.14

• 12:00. Малайз - Индонез
• 14:30. Монгол - Иран
• 17:00. Шри Ланка - Йордан
• 19:30. Тайланд - Казахстан

2023.08.15

• 12:00. Индонез - Иран
• 14:30. Малайз - Монгол
• 17:00. Казахстан - Йордан
• 19:30. Тайланд - Шри Ланка

2023.08.17

• 14:30. А4 - Б4
• 17:00. А2 - Б3
• 19:30. Б2 - А3

2023.08.18

• 14:30. А2/Б3 хожигдсон - Б2/А3 хожигдсон
• 17:00. А1 - Б2/А3 хожсон
• 19:30. Б1 - А2/Б3 хожсон

2023.08.19

• 17:00. Хүрэл медаль
• 19:30. Финал