• Сагсан бөмбөгийн эмэгтэйчүүдийн Азийн аварга шалгаруулах 2-р зиндааны тэмцээн эхэллээ
• Тэмцээнд оролцож буй Монголын эмэгтэй шигшээ баг эхний тоглолтдоо хожигдлоо
• Тэд Индонезын шигшээ багт 17 онооны зөрүүгээр хожигдов

Сагсан бөмбөгийн эмэгтэйчүүдийн Азийн аварга шалгаруулах 2-р зиндааны тэмцээн буюу "FIBA Women’s Asia Cup Division B" өнөөдөр эхэллээ.

Тэмцээний нээлтийн тоглолт Индонез болон Монголын шигшээ багийн хооронд болж 69-52 харьцаагаар Индонезын шигшээ баг хожив. Азийн аварга шалгаруулах тэмцээнд анх удаа оролцож буй Монголын шигшээ багаас Б.Ариунцэцэг 9 оноо, 8 самбартайгаар багаа тэргүүлсэн.

Индонезын шигшээ багийн төвийн тоглогч Ким Пьер-Луи 19 оноо, 9 самбартай багаа хошуучилсан бөгөөд Индонез багаараа 21 оновчтой дамжуулалт гүйцэтгэсэн нь Монголын шигшээ багаас хоёр дахин их тоо юм.

Монголын шигшээ баг будагтай талбайгаас хоёр дахин бага оноо авсан бөгөөд бөмбөг алдалтаас алдсан оноо нь эсрэг багаасаа гурав дахин их байв.

• М.Амаржаргал: Шигшээ багийн бүрэлдэхүүнийг сонгохдоо нурууны өндөрт анхаарсан
• НАЙМДУГААР САРЫН СПОРТ: 3х3, жүдогийн мастерууд, электрон спортын ДАШТ
• ФОТО: Өсвөрийн охид Самоаг нэг онооны зөрүүгээр хожиж финалд шалгарлаа

Монголын шигшээ баг дараагийн тоглолтоо маргааш 14:30 цагаас Ираны шигшээ багтай хийнэ.

ШИГШЭЭ БАГИЙН БҮРЭЛДЭХҮҮН:

1. Баатарын Болор-Эрдэнэ
2. Бат-Эрдэнийн Ариунцэцэг
3. Батхуягийн Цасчимэг
4. Баярмаагийн Цацрал
5. Муратын Булбул
6. Нямжавын Нандинхүсэл
7. Түвшинжаргалын Үлэмж
8. Ундармаагийн Содцэцэг
9. Мөнхсайханы Цэрэнлхам
10. Батцоожийн Болор-Эрдэнэ
11. Онолбаатарын Хулан
12. Эрдэнэбаянгийн Нарангоо

Тэмцээний оноолт:

• А хэсэг: Индонез, Иран, Малайз, Монгол
• В хэсэг: Казахстан, Йордан, Тайланд, Шри Ланка

ТОГЛОЛТЫН ХУВААРЬ:

2023.08.13

• 12:00. Индонез - Монгол
• 14:30. Иран - Малайз
• 17:00. Казахстан - Шри Ланка
• 19:30. Йордан - Тайланд

2023.08.14

• 12:00. Малайз - Индонез
• 14:30. Монгол - Иран
• 17:00. Шри Ланка - Йордан
• 19:30. Тайланд - Казахстан

2023.08.15

• 12:00. Индонез - Иран
• 14:30. Малайз - Монгол
• 17:00. Казахстан - Йордан
• 19:30. Тайланд - Шри Ланка

2023.08.17

• 14:30. А4 - Б4
• 17:00. А2 - Б3
• 19:30. Б2 - А3

2023.08.18

• 14:30. А2/Б3 хожигдсон - Б2/А3 хожигдсон
• 17:00. А1 - Б2/А3 хожсон
• 19:30. Б1 - А2/Б3 хожсон

2023.08.19

• 17:00. Хүрэл медаль
• 19:30. Финал