"Катар 2022" ДАШТ-ий А хэсэгт таарсан Нидерланд болон Катарын шигшээ багууд хэсгийн сүүлийн тоглолтоо хийж Нидерланд 2-0 харьцаагаар хожлоо.

Тоглогчдын ур чадвар, арга барилаар илүү улбар шарууд тоглолтын эхнээс тэргүүлж эхэлсэн. 26 дахь минутад Коди Гакпо багийнхаа эхний гоолыг нь оруулав. Тэрээр ийнхүү энэ ДАШТ-ий хэсгийн шатны гурван тоглолтод дараалан гоолдлоо.

Хоёрдугаар үе эхлээд удаагүй 49 дэх минутад Френки Де Йонг тооны харьцааг холдуулснаар Нидерландчууд хэсгийн нэгдүгээр байраар шалгарахаа зарлав.

Ийнхүү А хэсгийн нэгдүгээр байраар Нидерланд шалгарсан бол Катар дөрөвдүгээр байраар тэмцээнээ дуусгав. ДАШТ-ий түүхэд хэсгийн шатанд нэг ч оноо авч чадаагүй анхны зохион байгуулагч баг Катар боллоо.

А хэсгийн өмнөх тоглолтуудын үр дүн:

• Катар 0-2 Эквадор
• Сенегал 0-2 Нидерланд
• Катар 1-3 Сенегал
• Нидерланд 1-1 Эквадор

Voo аппликейшн татах

• Android
• iOS