ДАШТ-ий А хэсгийн хоёр дахь тоглолт Сенегал болон Нидерландын шигшээ багийн хооронд болоход 2-0 харьцаагаар улбар шарууд хожлоо.

Эхний хагаст хоёр баг харилцан хянамгай, нягт тоглосон тул 0-0 харьцаагаар тэнцлээ. Хоёрдугаар хагас ч ижил үйл явдал багатай болсон ч эцсийн мөчид Нидерландын залуу од Коди Гакпо гоол оруулж улбар шарууд тэргүүлсэн.

Өдгөө 23 настай Гакпо Нидерландын довтолгоог илүү уян хатан болгож багийнхаа хожилд чухал нөлөөг үзүүлэв. Тоглолт дуусах мөчид Дэви Клаасен гоол оруулж онооны харьцааг холдуулав.