• Азийн хөл бөмбөгийн аварга шалгаруулах тэмцээн үргэлжилж байна
• D хэсгийн сүүлийн тоглолтууд өнгөрсөн шөнө боллоо
• Тус хэсгийг Ирак тэргүүлж Япон удаалав

Азийн хөл бөмбөгийн холбооноос зохиодог Азийн аварга шалгаруулах тэмцээний хэсгийн шатны сүүлийн тойргийн тоглолтууд үргэлжилж байна.

Өнгөрсөн шөнө "D" хэсгийг тэргүүлэгч Ирак Вьетнамын шигшээ багийг 3-2 харьцаагаар хожсоноор 9 оноотой болж хэсгээ тэргүүлэв. Харин өнгөрсөн тойрогт Иракт 2-1 харьцаагаар хожигдсон Япончууд сүүлийн тоглолтод Индонезыг 3-1 харьцаагаар хожсоноор хэсгийн 2-р байраар хасагдах шатанд шалгарлаа.

• Палестины шигшээ баг Азийн АШТ-д анх удаа хожиж хэсгээсээ гарлаа
• Азийн АШТ: Тажикистан нэмэлт цагт Ливаныг хожиж хэсгээс гарлаа
• Хөл бөмбөгийн Азийн аварга шалгаруулах тэмцээнд оролцож буй багуудын бүрэлдэхүүн

Өнөө шөнө E хэсгийн 4 оноотой Өмнөд Солонгос оноогүй Малайзыг тэмцээнээс хасах эсэхээ шийдэх бол 4 оноотой Йордан 3 оноотой Бахрейн хоёр хэсгийн байраа шийднэ. Харин F хэсэгт 6 оноотой тэргүүлж буй Саудын Араб 4 оноотой Тайландтай тоглож хэддүгээр байраар цааш шалгарахаа үзэх бол оноо авч амжаагүй Киргиз 1 оноотой Оманаас оноо салгахыг хичээнэ.

Иракийн шигшээ багийн довтлогч Аймен Хуссейн Вьетнамын эсрэг хоёр гоол оруулснаар 5 гоолтойгоор Азийн аваргын мэргэн буучийн жагсаалтыг тэргүүлж байгаа бол Катарын Акрам Афиф, Японы Аяасэ Үэда нар 3 гоолтой удаалж байна.