Хөл бөмбөгийн Азийн аварга шалгаруулах тэмцээн "AFC Asian Cup Qatar 2023" нэгдүгээр сарын 12-д Катар улсын Лусайл хотын цэнгэлдэх хүрээлэнд эхэлнэ.

Тэмцээнд Азийн шилдэг 24 баг дөрвөөрөө зургаан хэсэгт хуваагдан тоглох бөгөөд Өмнөд Солонгосын Сон Хён Мын, Австралийн Мэт Райан, Ираны Мехди Тареми, Японы Каорү Митома тэргүүтэй шилдгүүд цуглаад байна.

Нээлтийн тоглолт Б хэсгийг толгойлогч Австрали болон Энэтхэгийн шигшээ багийн хооронд болох бол талбайн эзэн Катарын шигшээ баг А хэсэгт Ливаны шигшээ багтай тоглоно.

Шигшээ багуудын бүрэлдэхүүнийг ЭНД дарж харна уу.

Дөрвөн жилд нэг удаа болдог Азийн АШТ-д Японы шигшээ баг хамгийн олон буюу 4 удаа түрүүлж байсан. 1992, 2000, 2004, 2011 онуудад финалдсан тэд сүүлийн буюу 2019 онд АНЭУ-д болсон тэмцээний финалд Катарт хожигдож анх удаа мөнгөн медаль хүртсэн билээ.

2019 онд анх удаа түрүүлсэн Катарчууд аваргын цомоо 2015 оны аварга Австрали, 2007 оны аварга Ирак, 3 удаагийн аварга Саудын Араб, Иран, 2 удаагийн аварга Өмнөд Солонгос зэрэг хүчирхэг шигшээ багуудын эсрэг хамгаална.