#CS2 Монголын The MongolZ Францын багаас хариугаа авч, хоёр дахь улиралдаа дараалан ESL Pro League-ийн Playoffs-д шалгарлаа.

ESL (Electronic Sports League)-ээс зохиодог CS2 (Counter Strike 2)-ын хамгийн том лигийн тэмцээн "ESL Pro League"-ийн 20-р улирал Мальта улсын Сен-Жулиан хотод эхэлсэн.

Анх удаа Монголын хоёр баг оролцож буй тэмцээний B хэсэгт багтсан Монголын "The MongolZ" баг хасагт шатны сүүлийн тоглолтдоо Францын "3DMAX" багийг 2-0 (Anubis 13-8, Ancient 13-7) харьцаагаар хожлоо.

Тэмцээний нээлтийн тоглолтод 2-0 харьцаагаар хожигдоод байсан Баянбатын "maaRaa" Эрдэнэдалай дасгалжуулагчтай монгол баг даагаа нэхэж хожсоноор playoffs-т тоглох эрхтэй боллоо.

• The Huns Esports Монголын шигшээ багийг төлөөлж ДАШТ-д оролцохоор боллоо
• Оросын Team Spirit баг The MongolZ-оос хариугаа авч, хасагдах шат руу унагав
• The MongolZ Испанийн багийг Mirage-д 13-0 харьцаагаар илүүрхэв

Ийнхүү тэд хоёр дахь улиралдаа дараалан ESL Pro League-н Playoffs-т тоглох 16 багийн нэг болсон бол Францын баг тэмцээнээ дуусгалаа.

The MongolZ-ын тоглолтуудын үр дүн:

• B хэсгийн дээд хүснэгтийн шөвгийн найм: The MongolZ 0-2 (Anubis 9-13, Ancient 11-13) 3DMAX
• B хэсгийн дунд хүснэгтийн 1-р шат: The MongolZ 2-0 (Inferno 13-1, Mirage 13-0) KOI
• B хэсгийн дунд хүснэгтийн шөвгийн найм: The MongolZ 1-2 (Ancient 13-9, Anubis 4-11, Nuke 11-13) Team Spirit
• B хэсгийн доод хүснэгтийн хагас шигшээ: The MongolZ 2-0 (Nuke 13-10, Ancient 13-10) 9z Team
• B хэсгийн доод хүснэгтийн финал: The MongolZ 2-0 (Anubis 13-8, Ancient 13-7) 3DMAX

ESL Pro League-т анх удаа оролцож буй Монголын хоёр дахь баг "ATOX Esports" есдүгээр сарын 11-д эхний тоглолтоо Францын "Team Vitality" багтай хийнэ.