#Шатар Салимова ихэнхдээ ашигладаг Каро-Канны хамгаалалтаар тоглолтыг эхлүүлсэн бол Монголын #1 эмэгтэй шатарчин Б:Мөнгөнтуул 2018 оноос хойш ашиглаагүй довтолгооны хувилбараа дахин хэрэглэжээ.

Олон Улсын шатрын холбоо /FIDE/-оос зохиодог "FIDE Women's Grand Prix" цувралын 2024-2025 оны улирлын тавь дахь тэмцээн Энэтхэг улсын Пуна хотод үргэлжилж байна.

Дэлхийн шилдэг 10 шатарчин цугласан тэмцээний дөрөв дэх өдөр "The MongolZ" багийн тоглогч, дэлхийн чансааны #88, IM /Олон улсын Мастер/ Батхуягийн Мөнгөнтуул дэлхийн чансааны #28 Болгарын IM Нургул Салимовад хожигдлоо.

Салимова ихэнхдээ ашигладаг Каро-Канны хамгаалалтаар тоглолтыг эхлүүлсэн бол цагаан талаас эхлүүлсэн Б:Мөнгөнтуул 2018 оноос хойш ашиглаагүй довтолгооны хувилбараа дахин хэрэглэжээ.

Гэвч 32 дахь нүүдлээс гаргасан түүний хоёр ч алдаа давуу байдлаа алдахад хүргэж улмаар Салимова боломж олголгүй тоглолтыг дуусгасан байна.

• Б.Мөнгөнтуул гурав дахь өрөгт Польшийн мастерыг хожлоо
• Хятадын их мастер Жу Б.Мөнгөнтуулаар хоёр "давлаа"
• Б.Мөнгөнтуул эхний өрөгтөө Гүржийн мастерыг хожлоо

38 настай Б.Мөнгөнтуул тэмцээний хүснэгийн 3-р байрт Оросын Полина Шувалова, Энэтхэгийн Харика Дроновали нарын хамт 2 оноотой бичигдэж байна. Харин Салимова 1.5 оноотой удаалж буй.

Пунагийн Гран При тэмцээнийг Хятадын Жу Жинер 3.5 оноотой ганцаараа тэргүүлж байна. Б.Мөнгөнтуул өнөөдөр 17:30 цагаас эмэгтэй дэлхийн чансааны #14 Энэтхэгийн GM /Grandmaster/ Рамешбабу Вайшалитай тоглоно.