#Шатар Б.Мөнгөнтуул Алинагийн эсрэг өмнө нь тоглож байгаагүй шинэ гарааны нүүдэл туршсан бөгөөд эсрэг тоглогчийн хаан/ноён руу довтлох замыг нээхийн тулд хүүгээ золиосолсон гэж тоглолтын дараах яриандаа дурджээ.

Олон Улсын шатрын холбоо /FIDE/-оос зохиодог "FIDE Women's Grand Prix" цувралын 2024-2025 оны улирлын тавь дахь тэмцээн Энэтхэг улсын Пуна хотод үргэлжилж байна.

Дэлхийн шилдэг 10 шатарчин цугласан тэмцээний гурав дахь өдөр "The MongolZ" багийн тоглогч, дэлхийн чансааны #88, IM /Олон улсын Мастер/ Батхуягийн Мөнгөнтуул дэлхийн чансааны #16, IM, Польшийн Алина Кашлинскаяг хожлоо.

Б.Мөнгөнтуул өмнө нь Алинагийн эсрэг тоглож байгаагүй шинэ гарааны нүүдэл туршсан бөгөөд эсрэг тоглогчийн хаан/ноён руу довтлох замыг нээхийн тулд хүүгээ золиосолсон гэж тоглолтын дараах яриандаа дурджээ.

• Хятадын их мастер Жу Б.Мөнгөнтуулаар хоёр "давлаа"
• Б.Мөнгөнтуул эхний өрөгтөө Гүржийн мастерыг хожлоо
• Шатрын олон улсын мастер Б.Мөнгөнтуул "The MongolZ" багт нэгдлээ

Ийнхүү 38 настай, Монголын #1 эмэгтэй шатарчин тэмцээний хүснэгийн 2-р байрт Энэтхэгийн Конеру Хумпи, Оросын Полина Шувалова, Энэтхэгийн Дивия Дешмух нарын хамт 2 оноотой бичигдэж эхэллээ. Харин Алина 0.5 оноотой 9-р байр руу унав.

Пунагийн Гран При тэмцээнийг Хятадын Жу Жинер 2.5 оноотой ганцаараа тэргүүлж байна. Б.Мөнгөнтуул өнөөдөр 17:30 цагаас эмэгтэй дэлхийн чансааны #28 Болгарын IM Нургул Салимоватай тоглоно.