#PUBGMobile "Ногоон" хэсэгт тоглосон монголын "4Merical Vibes", "Stalwart Esports" багууд хэсэгтээ 5, 10-р байрыг эзлэв. Одоогоор монгол багууд финалд шалгарч чадаагүй байна.

PUBG Mobile-ын дэлхийн аварга шалгаруулах тэмцээн буюу 3 сая ам.долларын шагналын сантай "PUBG Mobile Global Championship 2024" Малайзын Куала Лумпур хотод үргэлжилж байна.

Тэмцээний гурав дахь долоо хоногт "Ногоон" хэсгийн тоглолтууд болж Монголын "4Merical Vibes", "Stalwart Esports" багууд оролцлоо.

Ногоон хэсэгт дэлхийн шилдэг 16 баг дөрвөн өдрийн турш өдөрт 6, нийт 24 map тоглосноос 4Merical Vibes 163 оноотойгоор 5-р байр, Stalwart Esports баг 119 оноотойгоор 10-р байх эзэлж "Survival Stage" шатанд шалгарлаа.

• IHC Esports дэлхийн аваргаас хасагдаж Falcons Force дараагийн шатанд шалгарлаа
• Falcons Force, IHC Esports багууд дэлхийн аваргын тоглолтоо маргааш эхлүүлнэ
• АРВАННЭГДҮГЭЭР САРЫН СПОРТ: Электрон спортын дэлхийн аваргууд болно

Тус хэсгийг Оросын "Brute Force", Бразилын "INFLUENCE RAGE", Хятадын "ThunderTalk Gaming" багууд тэргүүлж финалд шалгарав.

Харин 4-11-р байрыг эзэлсэн найман баг Survival Stage-д шалгарсан бол сүүл мушгисан таван баг тэмцээнээс хасагдлаа. Үүнд: Индонезын "RRQ RYU", Балбын "DRS Gaming", Малайзын "CelcomDigi Alliance", Японы "CAG OSAKA", Вьетнамын "Team Secret" багууд багтаж байна.

Ийнхүү хоёр өдрийн дараа эхлэх Survival Stage-д Улаан хэсэгт "Falcons Force"-ын Монголын гурван баг тоглохоор болов. Тус шатанд гурван хэсгийн дунд байр эзэлсэн 24 баг гурван өдрийн хугацаанд 18 map тоглох бөгөөд 16 нь "Last Chance" шатанд шалгарна.