#CS2 Монголын The MongolZ баг ESL Pro League S20-ийн хасагдах шатанд Аргентины "9z Team" багийг 2-0 харьцаагаар хожиж playoffsын эрхийн төлөө тоглохоор болов.

ESL (Electronic Sports League)-ээс зохиодог CS2 (Counter Strike 2)-ын хамгийн том лигийн тэмцээн "ESL Pro League"-ийн 20-р улирал Мальта улсын Сен-Жулиан хотод эхэлсэн.

Анх удаа Монголын хоёр баг оролцож буй тэмцээний B хэсэгт багтсан Монголын "The MongolZ" баг хасагт шатанд Аргентины "9z Team" багийг 2-0 (Nuke 13-10, Ancient 13-10) харьцаагаар хожлоо.

Хоёр баг анх удаа хоорондоо учраа таарсан нь энэ бөгөөд Мөнхболдын "Senzu" Азбаяр 108.9 ADR (Average Damage per Round) тайгаар багаа тэргүүлэв.

• Оросын Team Spirit баг The MongolZ-оос хариугаа авч, хасагдах шат руу унагав
• The MongolZ Испанийн багийг Mirage-д 13-0 харьцаагаар илүүрхэв
• The MongolZ Францын "3DMAX" багт хоёр дахь удаа 2-0 харьцаагаар хожигдлоо

Ийнхүү тэд хэсгээс гарч playoffs-т шалгарахын тулд хасагдах шатанд дахин нэг удаа тоглохоор болов. Тоглолт  маргааш 22:30 цагаас "Wildcard" болон "3DMAX" багуудын хожсонтой болно.

The MongolZ-ын тоглолтуудын үр дүн:

• B хэсгийн дээд хүснэгтийн шөвгийн найм: The MongolZ 0-2 (Anubis 9-13, Ancient 11-13) 3DMAX
• B хэсгийн дунд хүснэгтийн 1-р шат: The MongolZ 2-0 (Inferno 13-1, Mirage 13-0) KOI
• B хэсгийн дунд хүснэгтийн шөвгийн найм: The MongolZ 1-2 (Ancient 13-9, Anubis 4-11, Nuke 11-13) Team Spirit
• B хэсгийн доод хүснэгтийн хагас шигшээ: The MongolZ 9z Team

ESL Pro League-т анх удаа оролцож буй Монголын хоёр дахь баг "ATOX Esports" есдүгээр сарын 11-д эхний тоглолтоо Францын "Team Vitality" багтай хийнэ.