"Катар 2022" ДАШТ-ий А хэсэгт таарсан Эквадор болон Сенегалын шигшээ багууд хэсгийн сүүлийн тоглолтоо хийж 1-2 харьцаагаар Сенегал хожлоо.

Тоглолтын өмнө Эквадор тэнцэхэд л хангалттай байсан бол Сенегал заавал хожих даалгавартай гарч ирсэн. Тиймдээ ч илүү довтолсон нь Африкийн баг байв.

Улмаар 44 дэх минутад Исмайла Сарр торгуулийн цохилтын эрх авч өөрөө цохин гоолдсон. Харин хоёрдугаар үеийн дундуур Эквадор Мойзес Кайседогийн гоолоор тооныг харьцааг тэнцүүлэв. Тэнцвэл Эквадор хасагдах шатанд шалгарах учиртай.

Гэвч гоолын баяр дуусаагүй байхад Сенегал чөлөөт цохилтоос гоол оруулж хүснэгтийн байрлал дахин өөрчлөгдөв. Гоолыг Калиду Кулибали оруулсан.

Ийнхүү тоглолт өндөрлөснөөр Сенегал А хэсгийн хоёрдугаар байраар шилдэг 16-д шалгарлаа. Харин нэгдүгээр байраар Нидерланд шалгарав.

А хэсгийн өмнөх тоглолтуудын үр дүн:

• Катар 0-2 Эквадор
• Сенегал 0-2 Нидерланд
• Катар 1-3 Сенегал
• Нидерланд 1-1 Эквадор

Voo аппликейшн татах

• Android
• iOS