#CS2 Монголын The MongolZ баг ESL Pro League-н playoffs-ын шигшээ 12-т Туркийн Eternal Fire багтай тоглож 1-2 харьцаагаар хожигдлоо. Тэд өмнөх тэмцээнд мөн энэ шатнаас тэмцээнээ дуусгаж байв.

ESL (Electronic Sports League)-ээс зохиодог CS2 (Counter Strike 2)-ын хамгийн том лигийн тэмцээн "ESL Pro League"-ийн 20-р улирал Мальта улсын Сен-Жулиан хотод үргэлжилж байна.

Анх удаа Монголын хоёр баг оролцсон тэмцээний playoffs-ын шигшээ 12 шатанд хоёр дахь жилдээ шалгарсан Монголын "The MongolZ" баг шигшээ Туркийн "Eternal Fire" багтай тоглож 1-2 (Mirage 16-13, Anubis 9-13, Inferno 11-13) харьцаагаар хожигдлоо.

Хоёр баг өмнө "IEM Cologne 2024" тэмцээний Play-in шатанд таарахад монгол баг 2-1 (Anubis 4-13, Mirage 13-8, Nuke 16-14) харьцаагаар хожиж байсан юм.

• The MongolZ Германы аваргуудыг ялснаар Туркийн аваргуудтай тоглохоор болов
• ATOX Бразилын FURIA-д хожигдож тэмцээнээ дуусгалаа
• ATOX Esports баг ENCE-ыг "шүүрдэж" ESL Pro League-ээс хаслаа

Баянбатын "maaRaa" Эрдэнэдалай дасгалжуулагчтай The MongolZ-оос сүүлийн map-ыг илүүрхэж эхлүүлсэн ч шийдвэрлэх үеүдэд гаргасан алдааныхаа улмаас ялагдлаа.

The MongolZ-ын тоглолтуудын үр дүн:

• B хэсгийн дээд хүснэгтийн шөвгийн найм: The MongolZ 0-2 (Anubis 9-13, Ancient 11-13) 3DMAX
• B хэсгийн дунд хүснэгтийн 1-р шат: The MongolZ 2-0 (Inferno 13-1, Mirage 13-0) KOI
• B хэсгийн дунд хүснэгтийн шөвгийн найм: The MongolZ 1-2 (Ancient 13-9, Anubis 4-11, Nuke 11-13) Team Spirit
• B хэсгийн доод хүснэгтийн хагас шигшээ: The MongolZ 2-0 (Nuke 13-10, Ancient 13-10) 9z Team
• B хэсгийн доод хүснэгтийн финал: The MongolZ 2-0 (Anubis 13-8, Ancient 13-7) 3DMAX
• Playoffs-ын шигшээ 16 шат: The MongolZ 2-1 (Ancient 19-22, Nuke 13-11, Mirage 13-9) BIG
• Playoffs-ын шигшээ 16 шат: The MongolZ 2-1 (Ancient 19-22, Nuke 13-11, Mirage 13-9) BIG

Бямбасүрэнгийн "bLitz" Гарьдмагнай ахлагчтай залуус өмнөх "ESL Pro League Season 19" тэмцээний шигшээ 12 шатанд Оросын "Virtus.pro" багт хожигдож тэмцээнээ дуусгаж байв.