#CS2 Монголын ATOX Esports баг ESL Pro League-ын хасагдах шатанд ENCE багийг 2-0 харьцаагаар хожиж ESL Pro League-ээс хаслаа.

ESL (Electronic Sports League)-ээс зохиодог CS2 (Counter Strike 2)-ын хамгийн том лигийн тэмцээн "ESL Pro League"-ийн 20-р улирал Мальта улсын Сен-Жулиан хотод үргэлжилж байна.

Анх удаа Монголын хоёр баг оролцож буй тэмцээний D хэсэгт багтсан Монголын "ATOX Esports" баг хасагдах шатанд Финландын "ENCE" багтай тоглож 2-0 (Ancient 13-3, Nuke 13-6) харьцаагаар илүүрхэв.

ESL Pro League-т анх удаа оролцож буй Гансүхийн "flyNN" Төгөлдөр дасгалжуулагчтай багаас Батболдын "dobu" Ган-Эрдэнэ 89.5 ADR-тай багаа тэргүүлэв. ATOX Esports-ын тоглогчид бүгд нэмэх үзүүлэлтэй тоглосон бол ENCE-ээс нэмэх үзүүлэлттэй тоглосон хүн байсангүй.

• ATOX Esports баг Team Falcons-д ялагдсанаар хасагдах шат руу уналаа
• Монголын ATOX Esports баг EPL-ын анхны тоглолтдоо дэлхийн аваргуудад хожигдлоо
• The MongolZ Францын 3DMAX-аас даагаа нэхэж Playoffs-т шалгарлаа

Ийнхүү ATOX Esports доод хүснэгтийн хагас шигшээд Бразилын "FURIA Esports" багтай тоглохоор болов. Тоглолт өнөөдөр 22:30 цагт эхэлнэ.

ATOX Esports-ын тоглолтуудын үр дүн:

• D хэсгийн дээд хүснэгтийн шөвгийн найм: ATOX Esports 0-2 (Inferno 11-13, Nuke 7-13) Team Vitality
• D хэсгийн дунд хүснэгтийн нэгдүгээр шат: ATOX Esports 0-2 (Ancient 5-13, Anubis 4-13) Team Falcons
• D хэсгийн доод хүснэгтийн шөвгийн найм: ATOX Esports 2-0 (Ancient 13-3, Nuke 13-6) ENCE

ESL Pro League-н Playoffs-т хоёр дахь удаа шалгарсан Монголын хоёр дахь баг "The MongolZ"-ын playoffs-ын тоглолт ирэх долоо хоногт эхэлнэ.