#CS2 Монголын ATOX Esports баг ESL Pro League-ын хасагдах шатанд Бразилын FURIA Esports багт 2-0 харьцаагаар хожигдож тэмцээнээ дуусгалаа.

ESL (Electronic Sports League)-ээс зохиодог CS2 (Counter Strike 2)-ын хамгийн том лигийн тэмцээн "ESL Pro League"-ийн 20-р улирал Мальта улсын Сен-Жулиан хотод үргэлжилж байна.

Анх удаа Монголын хоёр баг оролцож буй тэмцээний D хэсэгт багтсан Монголын "ATOX Esports" баг хасагдах шатанд Бразилын "FURIA Esports" багтай тоглож 0-2 (inferno 6-13, Nuke 8-13) харьцаагаар хожигдлоо.

ESL Pro League-т анх удаа оролцож буй Гансүхийн "flyNN" Төгөлдөр дасгалжуулагчтай багаас Бямбадалайн  "MiQ" Тэмүүлэн 83.3 ADR-тай багаа тэргүүлэв.

• ATOX Esports баг ENCE-ыг "шүүрдэж" ESL Pro League-ээс хаслаа
• ATOX Esports баг Team Falcons-д ялагдсанаар хасагдах шат руу уналаа
• Монголын ATOX Esports баг EPL-ын анхны тоглолтдоо дэлхийн аваргуудад хожигдлоо

Ийнхүү ATOX Esports тэмцээнээ дуусгасан бол Бразилын баг playoffs-ын сүүлчийн эрхийн төлөө тоглох эрхтэй болов.

ATOX Esports-ын тоглолтуудын үр дүн:

• D хэсгийн дээд хүснэгтийн шөвгийн найм: ATOX Esports 0-2 (Inferno 11-13, Nuke 7-13) Team Vitality
• D хэсгийн дунд хүснэгтийн нэгдүгээр шат: ATOX Esports 0-2 (Ancient 5-13, Anubis 4-13) Team Falcons
• D хэсгийн доод хүснэгтийн шөвгийн найм: ATOX Esports 2-0 (Ancient 13-3, Nuke 13-6) ENCE
• D хэсгийн доод хүснэгтийн хагас шигшээ: ATOX Esports 0-2 (inferno 6-13, Nuke 8-13) FURIA Esports

ESL Pro League-н Playoffs-т хоёр дахь удаа шалгарсан Монголын хоёр дахь баг "The MongolZ"-ын playoffs-ын тоглолт ирэх долоо хоногт эхэлнэ.