МУБИС-ийн Дүрслэх урлаг, Технологийн сургуулийн уран бүтээлч багш нар болон БНСУ-ын КЁНГГИ их сургуулийн уран бүтээлч багш нарын хамтарсан “KOREAN ROUTE” уран бүтээлийн үзэсгэлэнгийн нээлт өчигдөр боллоо.

Тус үзэсгэлэнд  МУБИС-ийн Дүрслэх урлаг, технологийн сургуулийн 10 уран бүтээлч, БНСУ-ын 15, БНХАУ-ын таван уран бүтээлч оролцон бүтээлээ толилууллаа. Уг үзэсгэлэнд гурван улсын 30 гаруй багш нарын 70 бүтээл дэлгэгджээ.

Энэ үеэр МУБИС-ийн Дүрслэх урлаг, технологийн сургуулийн захирал доктор С.Батцоож "Эл үзэсгэлэн хоёр дахь жилдээ зохион байгуулагдаж буй. Өнгөрсөн жил БНСУ-д болж байв. Энэхүү үзэсгэлэнд уран баримал, гурван хэмжээст бүтээлээс бусад хоёр хэмжээст, уран зураг, монгол зураг, бар зураг, график дайны бүтээлүүдийг дэлгэн үзүүлж байна.

Дүрслэх урлагийн багш нар чадварлаг байвал сайн шавь нар төрөн гарна.  

Гурван улсын их сургуулиудын дүрслэх урлагийн багш нарын чансаа, цар хүрээг шалгасан мөн харилцан бие биеэсээ туршлага солилцох боломжтой арга хэмжээ болж байна. Энэ үзэсгэлэнгээс Монгол, БНСУ, БНХАУ-ын дүрслэх урлагийн багш нарын хөгжил ямар түвшинд байгааг харж болно.  

Дүрслэх урлагийн багш өөрөө зурж, бүтээж байж бусдад заадаг байх ёстой зарчим байдаг. Өөрөөр хэлбэл, хэн, ямар түвшний бүтээл туурвиж байна, тэр хэмжээгээрээ бусдад ур чадвар олгодог гэж үзнэ. Тур тусмаа дүрслэх урлагийн багш нар чадварлаг байвал сайн шавь нар төрөн гарна.  

Ихэнх хүмүүс монгол багш нарыг хоцрогдсон гэж бодоод байдаг. Харин монголын багш нар  дэлхийн аль ч улсад ур чадвар, бүтээлээрээ хоцрогдоогүй гэдгийг энэхүү үзэсгэлэнгээс харж болно" гэв.

Энэхүү үзэсгэлэн Уран зургийн галерейд  дөрвөн турш үргэлжилнэ.