2024  оны арваннэгдүгээр сард Холливудын дараах кинонууд нээлтээ хийнэ. Үүнд олон төрлийн жанр бүхий түүхэн туульс, зул сарын баярын, инээдмийн, алдарт хүүхэлдэйн кинонуудын удаах ангиуд багтсан байна.

1. “Here” (Арваннэгдүгээр сарын 1) - Энэ кинонд нэг өрөөний орон зайд олон үе дамжсан амьдралуудын хувь заяаг өгүүлдэг. Тодруулбал нэг өрөөнд олон гэр бүл оршин сууж, амьдралын баяр, гуниг, хайрыг харуулна. Киноны онцлог нь бодит цагт хиймэл оюун ухааныг ашиглан жүжигчдийн насыг бууруулсан явдал юм. Найруулагчаар Роберт Земекис ажиллаж, Том Хэнкс, Робин Райт нар гол дүрүүдэд тоглосон байна.

2. “Red One” (Арваннэгдүгээр сарын 15) - Амазон Прайм дээр гарах уг инээдмийн адал явдалт кинонд Дуэйн Жонсон болон Крис Эванс нар тоглосон ба шинэ жилтэй холбоотой үйл явдлууд өрнөдөг.

3. “Gladiator 2” (Арваннэгдүгээр сарын 22) - 2000 оны алдарт Гладиатор киноны үргэлжлэл, найруулагч Ридли Скоттын найруулсан энэ кино Ромын дайчдын дараагийн үеийн түүхийг өгүүлдэг.

4. “Wicked” (Арваннэгдүгээр сарын 22) - *Озын Ид шидтэн* уран зөгнөлт киноны урьдын түүхийг өгүүлсэн, Ариана Гранде, Синтиа Эриво нар оролцсон мюзикл кино. Энэхүү кинонд Глинда сайн санаат шидтэн болон Эльфаба муу шидтэний түүхийг харуулна.

5. “Moana 2” (Арваннэгдүгээр сарын 27) - Disney-ийн алдартай Полинезийн баатар Муанагийн далайн шинэ адал явдалт кино.