• CSGO-ын их дуулга гэж болох “IEM Sydney 2023” аравдугаар сард болно
• Тус тэмцээнд оролцох Азийн ганц эрхийн төлөөх тэмцээн боллоо
• Тэмцээний эрхийг Хятадын "Lynn Vision" баг авлаа

CSGO-ын их дуулга гэж болох “Intel Extreme Masters”-ын ээлжит тэмцээн “IEM Sydney 2023” 10-р сарын 16-22-ны хооронд болно.

Тэмцээнд Ази тивийг төлөөлөн ганц баг оролцох бөгөөд тус эрхийн төлөөх хаалттай сонгон шалгаруулалтын тэмцээн хоёр өдөр болж өндөрлөлөө.

Монголын хоёр, Хятадын хоёр баг оролцсон тэмцээнд Хятадын "Lynn Vision" баг түрүүлж Австралийг зорих эрхтэй болов. Тэд финалд нутаг нэгт "5yslone" багийг 2-1 (Inferno 16-14, Nuke 9-16, Overpass 19-17) харьцаагаар хожсон юм.

• Blast-ын эрх олгох Азийн цомын тэмцээнд Монголын зургаан баг тоглоно
• Монголын ATOX баг "IEM Sydney 2023"-ын урьдчилсан шатны сүүлийн эрхийг авлаа
• "IEM Sydney 2023" тэмцээний урьдчилсан шатны гурав дахь эрхийг LVG авлаа

Тэмцээнд Монголын "TheMongolz", Хятадын "5yclone" багууд чансаагаараа уригдсан бол нээлттэй сонгон шалгаруулалтын эхний тэмцээнээс Хятадын “Lynn Vision Gaming”, сүүлийн эрхийг Монголын "ATOX Esports" баг авсан юм.

Монгол багуудын хувьд хоёул эхний тоглолтдоо Хятадын багт хожигдож доод хүснэгт рүү унаснаар нэгийгээ тэмцээнээс хассан бөгөөд TheMongolz баг доод хүснэгтийн финалд Хятадын 5yclone-д 2-1 (Nuke 16-12, Ancient 5-16, Inferno 16-5) харьцаагаар хожигдсон юм.

Монгол багуудын оролцох CSGO тэмцээнүүд үргэлжилнэ. Тухайлбал өнөөдөр "5E Arena Asia Cup Fall 2023"-ын тоглолтууд эхлэх ба дөрвөн багийн 23 монгол тоглогч оролцох юм.