• “IEM Sydney 2023” тэмцээний урьдчилсан шатны эрх олгох сонгон шалгаруулалтын тэмцээн болж байна
• Сонгон шалгаруулалтын эхний тэмцээнээс Хятадын LVG баг эрхээ авлаа
• Сонгон шалгаруулалтын хоёр дахь тэмцээн өнөөдөр эхэлнэ

CSGO-ын их дуулга гэж болох “Intel Extreme Masters”-ын ээлжит тэмцээн “IEM Sydney 2023” 10-р сарын 16-22-ны хооронд болно.

Тэмцээнд Ази тивийг төлөөлөн ганц баг оролцох бөгөөд тус эрхийн төлөөх урьдчилсан шатны тэмцээн 8-р сарын 24-25-д болно.

Дөрвөн баг оролцох урьдчилсан шатанд Монголын “The MongolZ” болон Хятадын “Rare Atom” багууд уригдсан бол хоёр багийг нээлттэй сонгон шалгаруулалтаас тодруулах байв.

• НАЙМДУГААР САРЫН СПОРТ: 3х3, жүдогийн мастерууд, электрон спортын ДАШТ
• TheMongolz дэлхийн аваргын мөнгөн медальт багт хожигдож тэмцээнээ дуусгалаа
• Монгол залуус дэлхийн чансааг тэргүүлэгч Heroic-ын эсрэг нэг "map" авлаа

Нээлттэй сонгон шалгаруулалтын эхний тэмцээн өчигдөр өндөрлөж Хятадын “Lynn Vision Gaming” баг эрхээ авлаа. Тэд финалд Монголын sk0R буюу Батжаргалын Тэнгис тэргүүтэй “TYLOO” багийг 2-1 (Ancient 9-16, Nuke 19-15, Anubis 16-8) харьцаагаар хожсон юм.

Нээлттэй сонгон шалгаруулалтын хоёр дахь тэмцээн өнөөдөр 18.00 цагаас эхэлнэ. Тэмцээнд Азийн шилдэг багууд тэр дундаа Монголын ATOX Esports, Eruption, GEUD Gaming, Tsetsegchid, Clutch Gaming, D13 монгол тоглогчтой TYLOO, Team NKT багууд оролцоно.