• “IEM Sydney 2023” тэмцээний урьдчилсан шатны эрх олгох сонгон шалгаруулалтын тэмцээн дууслаа
• Сонгон шалгаруулалтын хоёр дахь тэмцээнээс Монголын ATOX Esports баг эрхээ авлаа
• Ийнхүү Азийн урьдчилсан шатанд 2 монгол, 2 хятад баг тоглохоор болов

CSGO-ын их дуулга гэж болох “Intel Extreme Masters”-ын ээлжит тэмцээн “IEM Sydney 2023” 10-р сарын 16-22-ны хооронд болно.

Тэмцээнд Ази тивийг төлөөлөн ганц баг оролцох бөгөөд тус эрхийн төлөөх урьдчилсан шатны тэмцээн 8-р сарын 24-25-д болно.

Дөрвөн баг оролцох урьдчилсан шатанд Монголын “The MongolZ” болон Хятадын “Rare Atom” багууд уригдсан бол хоёр багийг нээлттэй сонгон шалгаруулалтаас тодруулах байв.

• "IEM Sydney 2023" тэмцээний урьдчилсан шатны гурав дахь эрхийг LVG авлаа
• НАЙМДУГААР САРЫН СПОРТ: 3х3, жүдогийн мастерууд, электрон спортын ДАШТ
• TheMongolz дэлхийн аваргын мөнгөн медальт багт хожигдож тэмцээнээ дуусгалаа

Нээлттэй сонгон шалгаруулалтын эхний тэмцээнээс Хятадын “Lynn Vision Gaming” баг эрхээ авсан бол сүүлийн эрхийг Монголын "ATOX Esports" баг авлаа.

Оросын "MIRAI Gaming", Хятадын "ChaoRan Gaming", Монголын "Tsetsegchid" багуудыг хожиж финалд шалгарсан ATOX финалд Хятадын "Steel Helmet" багийг 2-0 (Mirage 16-13, Ancient 16-14) харьцаагаар хожсон.

Багийн бүрэлдэхүүн: Батболдын "dobu" Ган-Эрдэнэ, Батбаярын "kabal" Бат-Энх, Оюунбилэгийн "yAmi" Ялалт, Батбаатарын "cool4st" Содбилэг, Бямбадалайгийн "MiQ" Тэмүүлэн

Ийнхүү "Intel Extreme Masters Sydney 2023" тэмцээний Азийн урьдчилсан шатанд хоёр монгол, хоёр хятад баг тоглохоор боллоо.