2023-2024 оны хичээлийн шинэ жил эхлэхэд хагас сар үлдлээ. Энэ хичээлийн жилд ахлах ангийн сурагчийн дүрэмт хувцас өнгөрсөн онтой харьцуулахад багц үнээрээ 2-39 мянган төгрөгөөр нэмэгдсэн байна.

Хамгийн хямд үнээр "Баялаг Ундраа" худалдааны төвийн гадна талбайд дотоодын үйлдвэрлэлийн хувцас багц үнээрээ бага анги 60 мянга, дунд анги 75 мянга, ахлах анги 90 мянган төгрөгөөр худалдаалж буй.

Дотоодын үйлдвэрлэгчдийн урласан сурагчийн дүрэмт хувцасны багц үнийн мэдээллийг хүргэж байна.

Дээрх зурагт сурагчийн дүрэмт хувцас дотоодод үйлдвэрлэгчдийн сүүлийн гурван жилийн худалдааны үнийн өсөлтийг харуулав. Ахлах ангийн сурагчийн дүрэмт хувцасны үнээр тооцож гаргасан болно. Үүнээс үзэхэд зөвхөн нэг үйлдвэрлэгчийн худалдааны үнэ өмнөх жилийнхээс зургаан мянган төгрөгөөр буурчээ.