Дархан-Уул аймгийн Хонгор сумын төмөр замын 146 дугаар километрт ачааны 3408 дугаар галт тэрэг явах үед хариулгагүй орхисон найман тооны бог мал төмөр замын хориг хашаанд орж дайруулжээ.

Галт тэрэг нь олон тонн жинтэй ачаа тээвэрлэдэг механизм. Иймд ердийн тээврийн хэрэгслийн адил хурдан зогсох буюу эгнээ байраа өөрчлөх боломжгүй. Яаралтай тоормос нь 800-1000 метр газрыг туулж зогсдог байна.

Иймд малчид, ард иргэд эд хөрөнгөө хамгаалж, малаа төмөр замын аюултай бүсээс холуур бэлчээх, малаа хариулгагүй орхихгүй байхыг анхааруулж байна.