Төрийн цэргийн байгууллагад хүний эрх, эрх чөлөөг зөрчих, хугацаат цэргийн алба хаагчдыг “цэргийн дэг” нэрийн дор дарамтлах, эрүүл мэнд, амь насанд нь хохирол учруулах зүй бус үйлдлүүд удаа дараа гарч байгаатай холбогдуулан энэ асуудлыг авч хэлэлцэн УИХ-ын Хүний эрхийн дэд хорооноос тогтоол гаргажээ. 

Тус тогтоолд төрийн цэргийн байгууллагад хүний эрх, эрх чөлөөг зөрчсөн асуудал гарч байгааг мэдсээр байж удирдлага, зохион байгуулалтын арга хэмжээг шуурхай авч хэрэгжүүлээгүйгээс шалтгаалан хүний амь нас эрсэдсэнтэй холбогдуулан Зэвсэгт хүчний жанжин штабын удирдлагуудтай хариуцлага тооцож, албан тушаалаас нь чөлөөлөх зөвлөмжийг Монгол Улсын Ерөнхийлөгчид хүргэжээ.