#Шатар Ийнхүү 2 тэнцэж, 1 хожин нийт 2 оноо цуглуулснаар хүснэгтийн тэргүүн байранд бичигдэж байна.

Олон Улсын шатрын холбоо буюу FIDE (International Chess Federation)-аас "FIDE Women's Grand Prix" цуврал тэмцээнийг жил бүр зохиодог.

Уг цувралын 2024-2025 оны улирлын гурав дахь тэмцээн, 80 мянган еврогийн шагналын сантай "FIDE Women's Grand Prix 2025 - Monaco" Монако улсын "Novotel Hotel Monte Carlo"-д үргэлжилж байна.

10 шилдэг шатарчин оролцож буй тэмцээний гурав дахь өрөгт Монголын IM /Олон улсын мастер/ Батхуягийн Мөнгөнтуул Энэтхэгийн Конеру Хумпитэй тэнцлээ.

FIDE-ын мэргэжилтнүүд Б.Мөнгөнтуулын 16 минутын турш бодсоны эцэст гаргасан 14.Be2 нүүдлийг яагаад 14.Ng5 нүүдлээс илүүд үзсэнийг асуухад "эрсдэл гаргахаас зайлсхийж илүү аюулгүй нүүдлийг сонгосон" хэмээжээ.

Ийнхүү тэрээр 2 тэнцэж, 1 хожин нийт 2 оноо цуглуулснаар хүснэгтийн тэргүүн байранд Конеру Хумпи, Оросын Катерина Лагно, Испанийн Сарасадат Хадемалшарие нарын хамт бичигдсэн хэвээр үлдлээ.

Тэрээр өнөөдөр 22:00 цагаас дөрөв дэх өрөгт Испанийн Сарасадат Хадемалшариетэй хар талаас тоглоно.

• Б.Мөнгөнтуул дэлхийн аварга Тан Жунитэй тэнцлээ
• eSport-ын томоохон багууд шатрын тоглогчтой болж эхэллээ

"FIDE Women's Grand Prix 2024-25" цувралын нийт зургаан тэмцээнээс цуглуулсан нийт оноогоор тэргүүлсэн хоёр тамирчин "Women's Candidates 2026" тэмцээнд оролцох эрхтэй болно. Өмнөх "Women's Candidates 2024" тэмцээнд Тан Жуни түрүүлснээр аваргаа хамгаалагч Жу Венжунтэй тоглох эрхтэй болсон юм.

Б.Мөнгөнтуул өмнөх "FIDE Women's Grand Prix 2024 - Shymkent" тэмцээнд 10-р байр эзлэн 15 оноо цуглуулсан амжилтайгаар нийт цувралын хүснэгтийн 16-д жагсаж байна.