Өмнөговь аймаг дахь цагдаагийн газарт палентологийн олдвор болох үлэг гүрвэлийн яс хууль бусаар хадгалж байгаад Улаанбаатар хот руу тээвэрлэж явсан талаар мэдээлэл иргэнээс иржээ.

Мэдээллийн дагуу шалгалтын ажиллагааг явуулахад тус аймгийн харьяат, эрхэлсэн тодорхой ажилгүй зургаан иргэн палентологийн олдвор болох динозаврын ясыг бусдад зарж, борлуулах гэж байсныг илрүүлсэн байна.

Дээрх олдворыг ШУА-ын Палентологийн хүрээлэнгээр шинжилгээ хийлгэхэд 80 орчим сая жилийн өмнө амьдарч байсан өвсөн тэжээлт үлэг гүрвэлийнх байж болзошгүй талаар мэдээлжээ.

Эх сурвалж: ЦЕГ